2020 جىلعى اتقارىلعان جۇمىس قورىتىندىلانىپ, ورتا مەرزىمدى پەرسپەكتيۆاداعى مىندەتتەر قارالدى. سونداي-اق كوروناۆيرۋس پاندەمياسى جاعدايىنداعى ءوزارا ينتەگراتسيالىق ءىس-ارەكەت تۋرالى پىكىر الماسىلدى. جوعارى ەۋرازيالىق ەكونوميكالىق كەڭەستىڭ قۇرمەتتى توراعاسى بىرلەسىپ جۇمىس ىستەۋ ارقىلى ەۋرازيا ەكونوميكالىق وداعى الەمدىك ەكونوميكادا ءوز ورنىن تاپقانىن ايتتى.
– كوروناۆيرۋس پاندەمياسىنان تۋىنداعان ەكونوميكالىق داعدارىس ءبىزدىڭ ينتەگراتسيالىق بىرلەستىگىمىز ءۇشىن ۇلكەن سىناق بولدى. قاۋىپسىزدىك ماسەلەلەرى الدىڭعى قاتارعا شىقتى, – دەدى ەلباسى. نۇرسۇلتان نازارباەۆ جيىندا ازىق-ت ۇلىك قاۋىپسىزدىگىن قامتاماسىز ەتۋ مەن الەۋمەتتىك ينفراقۇرىلىمدى دامىتۋ ماسەلەلەرىن كوتەرىپ, الەمدىك «جاسىل» ەكونوميكانىڭ دامۋ ۇردىستەرىنە توقتالدى.
سونىمەن قاتار ەۋرازيا ەكونوميكالىق وداعىنىڭ باسقا ينتەگراتسيالىق بىرلەستىكتەرمەن, ۇيىمدارمەن ءوزارا ءتيىمدى ىنتىماقتاستىعى جانە جۇيەلى ەكونوميكالىق ديالوگتى جالعاستىرۋى ماڭىزدى ەكەنىن اتاپ ءوتتى.
– سەنىمدى سەرىكتەستەرمەن جانە وداقتاستارمەن بىرلەسىپ قانا ەلدەرىمىزدىڭ ەكونوميكالىق قاۋىپسىزدىگى مەن تاۋەلسىزدىگىن قامتاماسىز ەتۋگە بولادى. ەۋرازيا ەكونوميكالىق وداعى قۇرىلعاننان بەرى ۇيىم مۇشەلەرى ەڭ كۇردەلى جاعدايدا دا ءوزارا مامىلەگە كەلىپ, ءبىر-ءبىرىن قولدايتىن سەرىكتەستەر ەكەنىن كورسەتتى. قازىرگى جاعدايعا بايلانىستى ءبىز ينتەگراتسيا مەن ءوزارا تۇسىنىستىكتى بۇدان دا ارتتىرا ءتۇسۋىمىز كەرەك, – دەدى جوعارى ەۋرازيالىق ەكونوميكالىق كەڭەستىڭ قۇرمەتتى توراعاسى.
