«ەلوردادا بىرنەشە ونداعان جىلدار بويى تارتىمدى جەرلەر بولىپ كەلگەن بىرقاتار ماڭىزدى نىساندار بار. ولاردىڭ قاتارىنا سپورت نىساندارى دا, مادەني مەكەمەلەر دە جاتادى.
مىسالى, «جاستار» سارايى 47 جىل بۇرىن سالىنعان. سول ساتتەن باستاپ ول – قالانىڭ ۆيزيت كارتوچكاسى. قازىر عيماراتتا كۇردەلى جوندەۋ جۇرگىزۋدەمىز. بۇرىن بۇل نىسان جوندەلمەگەن, بۇل قايتا قۇرۋ قاجەتتىلىگىنە الىپ كەلدى. نىساننىڭ سىرتىن, سونداي-اق باسسەيندى, ساحنانى جانە ت.ب. جوندەۋ قاجەت. بىراق فويەدەگى بىرەگەي بوياۋ, تاسكول جەرگىلىكتى كەن ورنىنىڭ مارمارلانعان اكتاسىنان جاسالعان ەدەندەردى ساقتايمىز.
مۇنداي مادەني جانە سپورتتىق نىسانداردىڭ قالا تۇرعىندارى مەن ەلوردا قوناقتارى ءۇشىن ءاردايىم اشىق بولۋى كەرەك. ولار بوس تۇرماۋى كەرەك, مىسالى, سپورت نىساندارىندا بالالارعا ساباق بەرۋ ءۇشىن ساعاتتار بولىنەدى. «جاستار» سارايىنا كەلەتىن بولساق, ونى تولتىرۋ بويىنشا تۇجىرىمداما ازىرلەندى», دەپ جازدى ەلوردا اكىمى.
ونىڭ ايتۋىنشا, كرەاتيۆتى كلاستەر ءۇشىن وزىندىك جاڭا ايماق بولادى, وندا سۋرەت گالەرەيالارى, جاستارعا ارنالعان كوۆوركينگ-ورتالىقتار, پەرفورمانسقا ارنالعان ايماقتار جانە ت. ب. ورنالاسادى.
مۇندا جاستار ءوز الەۋەتىن ىسكە اسىرا الادى, يدەيالارىن, ۇسىنىستارىن تالقىلايدى, تاجىريبە, پىكىر الماسادى. وسىلايشا «جاستار» سارايى بيىلدىڭ وزىندە كرەاتيۆتى جاستار ءۇشىن وزىندىك شىعارماشىلىق حابقا اينالادى.
