پرەزيدەنت • 20 مامىر، 2021

پرەزيدەنت تاجىكستاننىڭ پرەمەر-مينيسترىمەن كەزدەستى

17 رەت كورسەتىلدى

قاسىم-جومارت توقاەۆ دۋشانبەگە رەسمي ساپارىنىڭ سوڭىندا تاجىكستاننىڭ پرەمەر-ءمينيسترى كوحير راسۋلزودامەن كەزدەسۋ وتكىزدى، دەپ حابارلايدى Egemen.kz.

قاسىم-جومارت توقاەۆ  كوحير راسۋلزوداعا تاجىكستان پرەزيدەنتىمەن وتكىزگەن كەلىسسوزدەردىڭ نەگىزگى ناتيجەلەرى تۋرالى ايتتى. قازاقستان پرەزيدەنتى ەكىجاقتى ۇكىمەتارالىق كوميسسيانىڭ تەتىكتەرىن پايدالانۋعا قاتىستى ۋاعدالاستىققا قول جەتكىزىلگەنى جانە ەمومالي راحموننىڭ قازاقستانعا الداعى ۋاقىتتا جاسايتىن مەملەكەتتىك ساپارى اياسىندا قوسىمشا كەلىسىمدەر ازىرلەۋ جونىندەگى جوسپارى جايىندا اتاپ ءوتتى.

مەملەكەت باسشىسى قازاق تاراپى ىقپالداستىقتىڭ بارلىق باعىتى بويىنشا كونسترۋكتيۆتى جانە ناقتى جۇمىستار جۇرگىزەتىنىن جەتكىزدى.

كوحير راسۋلزودا قاسىم-جومارت توقاەۆتىڭ بۇل ساپارى ەكى ەل تاۋەلسىزدىگىنىڭ 30 جىلدىعىندا ءوتىپ جاتقانىن جانە ونىڭ سيمۆولدىق ءمانى بار ەكەنىن ايتتى.

كەزدەسۋ بارىسىندا قازاقستان مەن تاجىكستان پرەزيدەنتتەرى اراسىندا جاسالعان بۇگىنگى ۋاعدالاستىقتاردىڭ ورىندالۋىنا، اتاپ ايتقاندا، ساۋدا-ەكونوميكالىق الەۋەتتى جانە ينۆەستيتسيا كولەمىن ودان ءارى ارتتىرۋعا باسا ءمان بەرىلدى.

سوڭعى جاڭالىقتار

ۇقساس جاڭالىقتار