كوپتەگەن نىسانداردا «Ashyq» جوباسى ىسكە قوسىلدى. ايتا كەتسەك, جوعارى وقۋ قىزمەتكەرلەرى مەن ستۋدەنتتەردىڭ دەنساۋلىقتارى ءۇشىن د.سەرىكباەۆ اتىنداعى شقتۋ «Ashyq» جوباسىنا قوسىلدى.
ۋنيۆەرسيتەت كورپۋسىنا كىرمەس بۇرىن ستۋدەنت نەمەسە مەكەمە قىزمەتكەرى ارنايى قابىرعاداعى QR-كودتى سكانەرلەپ, كەزەكشى كۇزەتشىلەرگە قوسىمشادا كورسەتىلگەن ناتيجەنى كورسەتۋى كەرەك.
ول ءۇشىن قوسىمشانى تەلەفونىڭىزعا جۇكتەيسىز. سودان كەيىن تەلەفون ءنومىرى بويىنشا اۆتوريزاتسيادان ءوتىپ, كودتى ەنگىزگەننەن كەيىن «كىرۋ رەگيستراتسياسىنا» ءوتىڭىز. سوڭىندا QR كودتى سكانەردەن وتكىزەسىز. بار بولعانى وسى.
قوسىمشاداعى تۇستەرگە كەلەر بولساق, جاسىل – قوزعالىستاردا ەشقانداي شەكتەۋ جوقتىعىن بىلدىرەدى. ال كوك تۇستە قوزعالىسقا شەكتەۋ بولماعانىمەن, پتر تەستى مىندەتتى ۇيىمداردا كوك مارتەبەسى بار ازاماتتارعا كىرۋگە رۇقسات ەتىلمەيدى. سارى ءتۇس قوزعالىستى ءىشىنارا شەكتەيدى (ازىق-ت ۇلىك دۇكەندەرىنە, دارىحانالارعا بارۋعا رۇقسات ەتىلەدى). قىزىل ادەتتەگىدەي قوزعالىستى شەكتەيدى.
