«التى جىلدا «مەرەيلى وتباسى» كونكۋرسىنا 15 197 وتباسى قاتىسقان. ونىڭ 62 پايىزى اۋىلدىق جەرلەردە تۇرادى, بۇل كونكۋرس اۋقىمىنىڭ كەڭ ەكەنىن كورسەتەدى. قاتىسۋشىلاردىڭ 36,3% كوپبالالى وتباسىلار, 18% جاس وتباسىلار, 17% ەڭبەك ديناستييالارىنىڭ وكىلدەرى بولىپ تابىلادى. بيىل ەل تاۋەلسىزدىگىنە 30 جىل. وسىعان وراي, ەلىمىزبەن بىرگە ءوسىپ كەلە جاتقان وتباسى قۇرىپ, بالالى بولعان «تاۋەلسىزدىك قۇرداستارىن» دا بايقاۋعا قاتىسۋعا شاقىرامىز. ولار جاس وتباسى, ۇلگىلى وتباسى بولۋ ۇلگىسىن قوعامعا كورسەتە الادى», دەدى لياززات سۇلەيمەن.
مەملەكەت باسشىسى ءوز جولداۋلارىندا وتباسى جانە بالا ينستيتۋتىن قولداۋ جانە ينكليۋزيۆتى قوعام قۇرۋ ماسەلەلەرىنە باسا كوڭىل ءبولىپ, قولداۋ كورسەتۋدە. قازىرگى ۋاقىتتا قازاقستاندا 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسى اۋقىمدى ىسكە اسىرىلۋدا.
«قازاقستان وتباسى ساياساتىن تاباندى جۇرگىزىپ كەلە جاتقان مەملەكەت بولىپ تابىلادى. وتباسىنىڭ ءال-اۋقاتىن جاقسارتۋعا, انا مەن بالانىڭ قۇقىعىن قورعاۋعا, دەموگرافيالىق ءوسۋدى ىنتالاندىرۋعا جانە كوپ بالالى وتباسىلاردى قولداۋ ماسەلەلەرى ءاردايىم نازاردا. بۇعان دالەل رەتىندە ۇلتتىق بيۋدجەتتىڭ 48% الەۋمەتتىك سالاعا بولىنەتىنىن ايتا كەتۋگە بولادى», دەدى سپيكەر.
