ەلوردا • 20 مامىر، 2021

«ەلوردا جاستارى» باسپانامەن جارىلقايدى

32 رەت كورسەتىلدى

نۇر-سۇلتان قالاسىندا جۇمىس ىستەيتىن جاستار ءۇشىن جاڭا تۇرعىن ءۇي باعدارلاماسى ىسكە قوسىلماق. اتالعان باعدارلاما اياسىندا جاستار باسپانالى بولۋ ءۇشىن 13 ملن تەڭگەگە دەيىن زايم الا الادى.

قالا اكىمى التاي كولگىنوۆتىڭ ايتۋىنشا، «ەلوردا جاستارى» باعدارلاماسىنىڭ تۇجى­رىم­دا­ماسى بىلتىر ەرىكتى­لەرمەن جانە جاس­تار ۇيىمدارىنىڭ وكىل­دە­رى­مەن كەزدەسۋدە ازىرلەنگەن.

– مەملەكەت باسشىسىنىڭ تاپ­سىرماسى بويىنشا قولعا الىن­عان «ەلوردا جاستارى» باعدار­لا­ماسىنىڭ باستى باعىتى – تۇرعىن ءۇي ماسەلەسىن شەشۋ. بيىل ەلور­دا­مىزدىڭ جاس ماماندارىنا الەۋ­­مەتتىك جەڭىلدەتىلگەن نەسيە ۇسى­­­ناتىن ارنايى تۇرعىن ءۇي باع­­­دارلاماسىن ىسكە قوسۋدى جوس­پارلاپ وتىرمىز. اتالعان باع­دارلاماعا 36 جاسقا دەيىنگى جاس­ت­ار (جولداسىنىڭ/جۇبايىنىڭ جاسى اسەر ەتپەيدى) قاتىسا الادى. باعدارلاما قاتىسۋشىسى ءبىر جىلدان كەم ەمەس ۋاقىتتا قالانىڭ تۇرعىن ءۇي ەسەبىندە تۇرعان بولۋى جانە باسىندا جەكەمەنشىك ءۇيى بولماۋى كەرەك، – دەيدى اكىم.

بۇل رەتتە رەسمي جۇمىس ءوتىلى 1 جىل بولۋى كەرەك. اتالعان باع­دار­لامانىڭ قاتىسۋشىسى جىل­دىق جەڭىلدەتىلگەن 5 پايىز­دىق ستاۆكامەن ءۇي ساتىپ الۋ ءۇشىن 13 ملن تەڭگەگە دەيىن زايم الا الادى. قالا باسشىسى سونىمەن قا­تار ەلباسى باستاماسىمەن قول­­عا الىنعان جۇمىس ىستەي­تىن جاس­تاردى قولداۋعا باعىت­تال­عان ارەندالىق تۇر­عىن ءۇي باع­دار­لاماسىنىڭ دا جالعاسا­تى­نىن ايتتى. جىل سوڭىنا دەيىن ارەن­دالىق تۇرعىن ءۇي بويىنشا مىڭ­نان استام جاس باسپاناعا قول جەت­ك­ى­زەدى دەگەن جوسپار بار.

– توقتالعىم كەلەتىن ەكىنشى با­عىت – مۇمكىندىگى شەكتەۋلى ادام­­د­ار ءۇشىن جاعداي جاساۋ جوس­­­پارى. قالادا بىرقاتار الەۋ­مەت­تىك جوبالار جۇزەگە اسىپ جاتىر. سونىڭ ىشىندە «كەدەرگىسىز كە­لە­شەك» دەگەن جوبا دا بار. اتالعان جوبا اياسىندا 12 بەيىمدەۋ سەكتسياسى اشىلدى. رەس­پۋبليكالىق كلينيكالارعا كۆو­تا ءبولىنىپ، مۇگەدەكتەر ارباسى سىيعا تارتىلدى. سونىمەن قاتار قالادا بىرقاتار الەۋمەتتىك نىساندار بوي كوتەرەدى: ساۋىقتىرۋ ورتا­لىقتارى، كورۋ قابىلەتى بۇ­زىلعان بالالارعا ارنالعان با­لا­باقشا، پاراليمپيالىق جات­­تىعۋ ورتالىعىمەن بىرلەسىپ مۇم­­­كىندىگى شەكتەۋلى جاندارعا ار­نال­عان سپورت كەشەنىن سالامىز جانە تاعى دا باسقا جوبالار بار. مىسالى، بىلتىر تۇڭعىش پرە­زي­دەنت قورى جانە «سامۇرىق-قازىنا» قولداۋىمەن قالالىق №1 بالالار اۋرۋحاناسىنىڭ بازاسىندا «قامقورلىق» ساۋىق­تىرۋ ورتالىعى اشىلدى. سونداي-اق تسەرەبرالدى سال اۋرۋى، اۋتيزم، داۋن سيندرومىنا شال­دىق­قان با­لالاردى ەمدەۋمەن، ساۋىق­تىرۋمەن اينالىساتىن ساۋىق­تى­رۋ ورتالىقتارى دا ەسىگىن اشتى، – دەيدى شاھار باسشىسى.

نۇر-سۇلتان قالاسىندا قولعا الىنعالى وتىرعان باعدارلاماعا جاستاردىڭ كوپتەپ قاتىسارى قا­زىردەن بەلگىلى. جاستاردىڭ قالا­سىنا اينالىپ كەلە جاتقان ەلوردادا پاتەرگە مۇقتاج جاندار سانى كوپ. جيىرما جىلدا قالا تۇرعىندارىنىڭ سانى 3 ەسە كوبەيىپ، 1 200 000 ادامعا جەتكەن.

– باعدارلامانى دايىنداۋ بارىسىندا كارانتينگە دەيىن 14-15 مارتە وففلاين كەزدەسۋ ۇيىمداستىرىلدى. سونداي-اق الەۋمەتتىك جەلىلەر ارقىلى قالا تۇرعىندارىنان ءتۇرلى ۇسىنىس، وتىنىشتەر كەلىپ ءتۇستى. ولاردى دا ەس­كەردىك. جوبا سول ۇسىنىستار مەن يدەيالار نەگىزىندە ازىرلەندى. كەلىپ تۇسكەن ۇسىنىستاردىڭ با­سىم بولىگىندە جاس مولشەرىن ۇل­عاي­تۋ سۇرالعان. سوعان ساي جاس­تى 29-دان 36-عا دەيىن ۇزارتتىق، – دەيدى نۇر-سۇلتان قالاسى جاستار ساياساتى باسقارماسىنىڭ باسشىسى قايرات قامباروۆ.

مۇنداي جەڭىلدىككە قارا­ماس­تان يپوتەكا تەك تۇراقتى جۇمىس ىستەيتىن، قالادا تىركەۋدە تۇرعا­نى­نا كەمى 1 جىل تولعان، كەمى ءبىر جىلدىق جۇمىس ءوتىلى بار، با­سىن­دا باسپاناسى جوق جاستارعا بە­رى­لەدى.

– جاستاردىڭ كوبىندە جالاقى كوپ ەمەس. سوندىقتان كۇنكورىس مولشەرىنە وراي، ايلىق جالاقىسى 133 مىڭ تەڭگەدەن اسپاۋى كەرەك دەگەن ەرەجە بەكىتىپ وتىرمىز. ماسە­لەن، جالاقىڭىزدى 250-300 مىڭ تەڭگە كولەمىندە دەپ الساق، سونى جۇبايىڭىزعا، بالا-شاعىڭىزعا بولگەندە 133 مىڭ تەڭگەدەن اسپاۋى قاجەت. ەگەر ودان اسىپ كەتەتىن بولسا وندا ول ادام باسقا باعدارلامالارعا قا­تى­سا الادى عوي. باعدارلاماعا دەنساۋلىق ساقتاۋ، سپورت، ءبىلىم بەرۋ، مادەنيەت، باق سالاسىنىڭ وكىلدەرى، جوو جانە عىلىمي ينس­تيتۋت قىزمەتكەرلەرى، قالا­مىز­دىڭ كوممۋنالدىق كاسىپورىن قىز­مەتكەرلەرى قاتىسا الادى، – دەيدى قايرات قامباروۆ.

العاشقى كەزەكتە 150، ەگەر سۇرانىس جاقسى بولىپ جاتسا جىل سوڭىنا دەيىن تاعى 600 پاتەر ۇسىنىلماق. بانك ۇسىنعان 13 ملن تەڭگەگە دەيىنگى يپوتەكانى 20 جىل ىشىندە تولەپ ءبىتۋ قاجەت. باستاپقى جارنا – 10 پايىز. باسقارما باسشىسىنىڭ ايتۋىنشا، 13 ملن تەڭگە قاتىپ قالعان سوما ەمەس. بۇل رەتتە قاتىسۋشى ءوزى جيناعان قاراجاتتى سول 13 ملن-عا قوسۋ ارقىلى قالاعان باعا­داعى پاتەرىن راسىمدەي الادى. قاتىسۋشى جاڭادان سالىنعان پاتەر­لەردى دە، ەسكى پاتەرلەردى دە تاڭ­داۋعا قۇقىلى.

شەكتى سوما رەتىندە نەلىكتەن 13 ملن تەڭگە تاڭداپ الىندى؟ «وتباسى بانك» ورتالىق فيليالىنىڭ ديرەكتورى جان­سۇلتان ماتايدىڭ ايتۋىنشا، شەك­تى سوما شارشى مەتر باعاسىنا باي­لانىستى ەسەپتەلگەن.

– باعدارلاما دايىندالعان كەزدە ءبىر بولمەلى پاتەر شارشى مەترىنىڭ نارىقتىق قۇنى ءبىرىنشى جانە ەكىنشى نارىقتا 280-320 مىڭ تەڭگە ارالىعىندا بولدى. ەسەپتەي كەلە 13 ملن تەڭگە شىقتى. ەگەر باعدارلاما اياسىندا 13 ملن تەڭگەگە يپوتەكا رەسىمدەلسە، العاشقى جارنا رەتىندە 10 پايىزى تولەنسە، وندا اي سايىنعى تولەمى 101 مىڭ تەڭگە بولادى. پاتەردىڭ اي سايىنعى ارەنداسى ورتاشا ەسەپپەن 100 مىڭ تەڭگە ەكەنىن ەسكەرە كەلە وسىنداي باعا شىعىپ وتىر، – دەدى جانسۇلتان ماتاي بريفينگتە.

قازىر نۇر-سۇلتان قالاسىندا 47 مىڭعا جۋىق ادام پاتەر كەزە­گىندە تۇرسا، سونىڭ 6 مىڭ­نان استامى جاستار. ءدال وسىنداي جوبا ءۇش جىلدان بەرى الماتى قالاسىندا جۇزەگە اسىپ كەلەدى. «الماتى جاستارى» اياسىندا 2020 جىلى دا بىرنەشە مىڭداعان جاس جەكە باسپاناسىن العان ەدى. اتال­عان باعدارلاما اياسىن­دا بيىل 9 741 ءوتىنىش ءتۇسىپ، سو­نىڭ 3 828-ءى باع­دار­لاما تالابىنا ساي بول­ما­عان­دىقتان كەرى قاي­تا­رىل­عان.

سوڭعى جاڭالىقتار

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

41 جوباعا – 11،2 ملرد تەڭگە

ايماقتار • بۇگىن، 08:20

732،5 ملرد تەڭگە تارتىلادى

ايماقتار • بۇگىن، 08:15

اسكەريلەر شەبەرلىك سىناسادى

قازاقستان • بۇگىن، 08:10

ۇقساس جاڭالىقتار