ەكونوميكا • 20 مامىر، 2021

زەينەتاقى جيناعى جەكە كومپانيالارعا بەرۋ تاۋەكەلى قانشالىقتى؟

63 رەت كورسەتىلدى

ازاماتتاردىڭ زەينەتاقى جيناعى بىرىڭعاي جيناق­تاۋشى زەينەتاقى قورىن­دا تۇرسا دا نەمەسە جەكە كومپانيالارعا بەرىلسە دە باسقارىلا بەرەدى. ءسوي­تىپ جىل سايىن قارا­جات قور نارىعىندا تابىل­عان پايدا ەسەبىنەن كوبە­يىپ، ەسەلەنىپ وتىرادى. 2021 جىلدىڭ 1 ساۋى­رىن­دەگى جاعداي بو­يىنشا باسقارۋدا بولعان زەينەت­اقى اكتيۆتەرىنىڭ جالپى كولەمى 12 603،7 ملرد تەڭ­گەدەن اسقان. ال جەكە كوم­پانيالارعا 1،7 ملرد تەڭگە شاماسىندا قارجى بەرىلىپتى.

اقپاننىڭ سوڭىنان باستاپ سالىمشىلاردان زەينەتاقى اكتيۆتەرىنىڭ جەتكىلىكتى شەگىنەن اساتىن بولىگىن اۋدارۋ تۋرالى وتىنىشتەر تۇسە باستاعانى بەل­گىلى. وسىعان بايلانىستى ال­عاشقى اۋدارىمدار 15 ناۋ­رىزدان باستالدى. قازىرگى كەزدە ينۆەستيتسيالىق پورتفەلدى باسقارۋمەن ءۇش بانك بەلسەندى اينالىسۋدا. سونىڭ ىشىندە Jusan Invest اق سەنىمگەرلىك باس­قارۋىنداعى زەينەتاقى اكتيۆ­تەرى 663،97 ملن تەڭگەنى قۇراعان. ولارعا ۇلتتىق بانك نوتتارى (پورتفەلدىڭ 60،11 پايى­زى)، Exchange Traded Funds (ETF) پاي­لارى (39،64 پايىز)، ينۆەس­تي­­تسيالىق شوتتارداعى اقشا قارا­­جاتىندا قالعان اكتيۆتەر (0،25 پايىز) ساتىپ الى­نىپ­تى. پورتفەلدىڭ 60،36 پا­يى­زى تەڭگەدە بولسا، 39،64 پايى­زى دوللاردا ساقتالعان. ينۆەستي­تسيالىق قىزمەت ناتيجەسىندە، سونداي-اق شەتەل ۆاليۋتالارى باعامدارىنىڭ قۇبىلمالىلىعى جانە قارجى قۇرالدارىنىڭ نا­رىقتىق قۇنىنىڭ وزگەرۋى سال­دارىنان ەسەپتەلگەن ينۆەس­تيتسيا­لىق كىرىس مولشەرى 6،18 ملن تەڭگەگە جەتكەن. Jusan Invest زەينەتاقى اكتيۆتەرىنىڭ تا­بىس­تىلىعىن 0،89 پايىز دەپ كورسەتەدى.

1 ساۋىردەگى جاعداي بويىنشا Halyk Global Markets اق سەنىمگەرلىك باسقارۋعا 502،97 ملن تەڭگە قابىلداعان. «پورت­فەل­دىڭ قۇرىلىمىندا كەرى رەپو وپەراتسيالارى (99،5 پا­يىز) جانە شوتتارداعى اقشا قارا­جاتتارى بار. بارلىق ينۆەستيتسيالار ۇلتتىق ۆاليۋتادا نومينالدانعان. كەزەڭ ىشىندە ەسەپتەلگەن ينۆەستيتسيالىق تابىستىڭ مولشەرى 1،21 ملن تەڭگە، تابىستىلىق 0،23 پايىزدى قۇرادى» دەپ جازادى بجزق.

BCC Invest اق ەنشىسىندەگى زەينەتاقى اكتيۆتەرىنىڭ كولەمى – 304،42 ملن تەڭگە. قوردىڭ حابارلاۋىنشا، اتالعان قارجى ينۆەستيتسيالىق شوتتارداعى اقشالاي قاراجاتقا (64،02 پا­يىز)، رەپو-عا (18،1 پايىز)، قازاق­ستانداعى كۆازيمەم­لە­كەت­تىك ۇيىمدارىنىڭ وبليگاتسيالارىنا (12،49 پايىز)، شەتەلدىك ەميتەنتتەردىڭ اكتسيالارى مەن دەپوزيتارلىق قولحاتتارىنا (8،05 پايىز)، پايلارعا (ETF ين­دەكستەرگە) (6،86 پايىز) بو­لىنگەن. ينۆەستيتسيالىق تابىس كەزەڭىنە ەسەپتەلگەن سوما 0،94 ملن تەڭگەنى قۇراعان، تابىس – 0،29 پايىز دەڭگەيىندە. سونى­مەن قاتار پورتفەلدىڭ 85،08 پايىزى ۇلتتىق ۆاليۋتادا جا­ساق­تالعانىن دا ايتا كەتۋ كەرەك.

AERC قولدانبالى زەرتتەۋلەر دەپارتامەنتىنىڭ كونسۋلتانتى رۋستام بەكىشەۆتىڭ ايتۋىن­شا، زەينەتاقى اكتيۆتەرىنىڭ جەكە كومپانيالاردىڭ باس­قار­ۋى­­­نا بەرىلگەنىنە كوپ ۋاقىت بولا قويمادى، سوندىقتان كەسىپ-ءپى­شىپ باعالاۋعا ەرتە. 

– العاشقى ستاتيستيكا 1 سا­ۋىر­دە جاريالاندى. سول جەر­دەگى ءۇش كومپانيانىڭ اكەلگەن تا­­بىس­تىلىعىن ۇلتتىق بانك تا­­بىس­تىلىعىمەن سالىستىرۋ دۇ­رىس بولا قويماس. ويتكەنى باس­قارۋشى كومپانيالاردىڭ ءبىر جىل ىشىندەگى تابىس دينامي­كاسى قانداي بولارى بەلگىسىز. ناۋرىز ايىندا ۇلتتىق بانك باسقارۋىمەن زەينەتاقى اكتيۆتەرىنىڭ تابىستىلىعى جىل­­دىق ماندە 11،37 پايىزدى قۇرادى. ماسەلەن، Jusan Invest تابىستىلىعى 0،89 پايىز دەڭ­­گەيىندە قالسا جانە ءارى قا­راي 12 اي بويى ساقتالسا وندا قيىن پايىزدار فورمۋلاسى ەسە­بى­­­نەن جىلدىق تابىستىلىق 11،22 پايىز دەڭگەيىندە بولادى. بۇل ۇلتتىق بانكتىڭ ناۋ­رىز ايىن­داعى تابىسىنا جاقى­نى­راق. ال ەگەر BCC Invest تابىس­تى­لى­عى وسى دەڭگەيدە (0،29 پايىز) قالا بەرسە، وندا ءبىر جىل­دا­عى ناتي­جەسى نەبارى 3،5 پايىز بو­لادى. بۇل ۇلتتىق بانك تابىسىنان ال­دە­­قايدا تومەن، – دەيدى ساراپشى.

ارينە، باسقارۋشى كومپا­نيا­لار ناتيجەسى تاپ وسى دەڭگەي­دە قالىپ قويادى دەپ بولجاۋعا دا بولمايدى. سوندىقتان ءبىر جىل ىشىندە جەكە كومپانيالارداعى اكتيۆتەر دەڭگەيى كۇرت ءوسۋى نەمەسە قۇلدىراۋى مۇمكىن.

– پورتفەل قۇرىلىمىنا ك­ە­لەر بول­ساق، دوللارمەن بەرىل­گەن زەي­­نەتاقى اكتيۆتەرى ۇلەسى­نىڭ ارت­­قانىن اتاپ وتۋگە بولا­دى: بيىل 1 ناۋ­رىزدا – 29،95 پا­يىز، 1 سا­­ۋىر­­­دە – 30،93 پايىز. سون­داي-اق تا­ۋە­­كەل بو­يىنشا قۇرى­لىمدا دا وز­­گە­­رىس بار: 1 ناۋرىزدا «ااا» رەي­­­تين­گىنەن باستالىپ «ۆۆۆ-»-عا دە­يىنگى قارجى قۇرال­دارى 85،3 پايىزدى قۇراسا، قازىر بۇل ۇلەس ينۆەستيتسيالىق پورت­فەل­دىڭ 80،21 پايىزىنا دەيىن تو­مەن­دە­دى. «ااا» رەيتينگىنە يە (ەڭ سەنىمدى) قارجىلىق اكتيۆتەر تەك ۇلتتىق بانك پەن BCC Invest پورتفەلى قۇرىلىمىندا عانا بار. بۇل رەتتە تابىستىلىق پەن تاۋەكەل ءبىر-بىرىمەن تىكەلەي بايلانىستى ەكەنىن ايتقىم كەلەدى: قارجىلىق اكتيۆ تاۋەكەلى قانشالىقتى تومەن بولعان سايىن تابىستىلىق تا سونشالىقتى از، – دەيدى ر.بەكىشەۆ.

EXANTE حالىقارالىق ين­ۆەس­تي­تسيالىق كومپانياسىنىڭ ساراپشىسى اندرەي چەبوتاريوۆ قورداعى زەينەتاقى اكتيۆتەرىن جەكە باسقارۋشى كومپانيالارعا تاراتىپ بەرۋدەن ايتارلىقتاي پايدا جوق ەكەنىن ايتادى.

– ءتورت كومپانيا تاڭداپ الىن­دى جانە ولارعا تاۋەكەلگە تولى پورتفەل قالىپتاستىرماۋ تۋرالى تالاپ قويىلىپ وتىر. سوندىقتان دا اكتيۆتەرىن جەكە كومپانيالارعا اۋدارۋ تۋرالى نەبارى مىڭنان استام عانا ءوتىنىش كەلىپ تۇسكەن. بۇل وتە از. سونىمەن قاتار كومپانيالاردىڭ كاپيتالى­نا دا ۇلكەن جاۋاپكەرشىلىك جۇك­تەلەدى. ياعني ءبىز ءتورت بىر­دەي كىشكەنتاي بجزق-نى قۇر­دىق دەۋ­گە بولادى. ولارداعى تا­بىس­­­تىلىق بجزق-عا قاراعاندا ءسال-ءپال جوعارى بولادى. جەكە كوم­­پانيالاردىڭ اكتيۆتەرمەن جۇ­مىس ىستەي باستاعانىنا ءبىر-ەكى اي عانا بولادى. وسى ۋاقىت ىشىن­دەگى كورسەتكىشىن الداعى 12 اي­عا كو­بەيتىپ، ۇنەمى سولاي تابىستى بو­لادى ەكەن دەپ بايلام جا­ساۋعا بول­مايدى. وسى ايدا تا­بىس­تى­لىق جوعارى بولسا، كەلەسى اي­دا ول قۇلدىراپ كەتۋى مۇمكىن. ءيا، ولار­دىڭ پورتفەلى تازا، پايى­زى جو­عارى، باسقا الىپ بارا جاتقان ارتىق­شىلىق جوق، – دەيدى ساراپشى.

قازىرگى ۋاقىتتا بجزق زەي­نەت­اقى اكتيۆتەرىن سەنىمگەر­لىكپەن باسقارۋ تۋرالى ءتورت جەكە باسقارۋشى كومپانيامەن كەلىسىمشارتقا وتىرعان. ولار – Jusan Invest اق، BCC Invest اق، Halyk Global Markets اق جانە «سەنتراس سەكيۋريتيز» ا.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار