ۇكىمەت • 20 مامىر، 2021

بەلسەندى ازاماتتاردى قولدايدى

24 رەت كورسەتىلدى

Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك Facebook-تەگى پاراقشاسىندا ساياسي ۇيىمنىڭ وڭىرلەردەگى «قايتا جاڭعىرۋى» جانە نۇرسۇلتان نازارباەۆتىڭ الداعى ەلەكتورارالىق كەزەڭگە قويعان مىندەتتەرى تۋرالى ايتتى.

ونىڭ ايتۋىنشا، Nur Otan ءماجىلىس پەن بارلىق دەڭگەيدەگى ءماسليحاتتار سايلاۋىندا جەڭىسكە جەتكەن العاشقى كۇننەن باستاپ سايلاۋالدى ۋادەلەرىن ورىنداۋعا كىرىسكەن. وسىلايشا، ءاربىر وبلىس، قالا جانە اۋدان بويىنشا 217 ەگجەي-تەگجەيلى جول كارتاسى بەكىتىلگەن. ولاردىڭ ورىندالۋىن جۇيەلى باقىلاۋ ءۇشىن 14 رەسپۋبليكالىق جانە 1738 وڭىرلىك قوعامدىق كەڭەس قۇرىلدى. وعان دەپۋتاتتاردان باسقا بەلگىلى قوعام قايراتكەرلەرى، ساراپ­شىلار جانە جۋرناليستەر كىردى.

پارتيا ليدەرى نۇرسۇلتان نازار­باەۆ قويعان مىندەتتەرگە سايكەس ەلەكتوراتارالىق كەزەڭدە ورتا­لىق اپپاراتتىڭ قۇرىلىمى وڭتاي­لان­دىرىلىپ، ەلىمىز بويىنشا پارتيانىڭ قوعامدىق قابىلداۋ بولمەلەرى مەن فيليالدارى حالىقپەن ءوزارا ءىس-ارەكەت جاساۋدىڭ پرواكتيۆتى فورماتىنا كوشتى.

«ەلباسى ايتقانداي، Nur Otan ء«بىر ورنىندا تۇرىپ قالماي»، ءاردايىم جەتىلىپ وتىرۋى كەرەك. پارتيا بەلسەندى ازاماتتىق ۇستانىمى، كرەا­تيۆتى يدەيالارى مەن جوبالارى بار ادامداردى بىرىكتىرىپ، قولداۋى ءتيىس. سوندىقتان دا سايلاۋ بارىسىنداعى رەسپۋبليكالىق پارتياىشىلىك پراي­مەريز Nur Otan پارتياسىن جۇيەلى تۇردە قايتا جاڭعىرتۋدىڭ نەگىزگى ەلەمەنتى بولدى.

بۇگىندە، ەلەكتوراتارالىق كەزەڭدە پارتيانىڭ كادرلىق الەۋەتىن كۇشەيتۋ بويىنشا جۇمىستار بەلسەندى تۇر­دە جالعاسۋدا. وتكەن اپتادا وبلىس­تار، قالالار مەن اۋدانداردىڭ بار­لىق وكىلدى پارتيا ورگاندارىنا ساي­لاۋى اياقتالدى. Nur Otan ساياسي كەڭەس­تەرىنىڭ قۇرامى وڭىرلەردە 51%-عا جاڭارتىلدى»، دەدى باۋىرجان بايبەك.

ول كەلتىرگەن اقپاراتتارعا سۇيەن­سەك، ايەلدەردىڭ ۇلەس سانى 29-دان 35%-عا، 35 جاسقا دەيىنگى جاستار – 11-دەن 22،5%-عا دەيىن وسكەن. مەملەكەتتىك قىزمەتشىلەردىڭ ۇلەسى 2 ەسەگە، ياعني 18-دەن 9%-عا دەيىن تومەندەدى. ۇشتەن بىرىنەن استامى – ۇكىمەتتىك ەمەس ۇيىمداردىڭ وكىلدەرى، جۋرناليستەر، بلوگەرلەر، كاسىپكەرلەر، سونداي-اق اۋىل شارۋاشىلىعى مەن ونەركاسىپ قىزمەتكەرلەرى. ءاربىر ەكىنشى ادام – وتكەن پرايمەريزدىڭ قاتىسۋشىسى.

ب.بايبەك اتاپ وتكەندەي، Nur Otan-نىڭ بۇكىل باستاۋىش پارتيا ۇيىم­دارىنىڭ باسشىلارىن (بارلىعى 4517) سايلاۋ پارتيانى جاڭارتۋ­داعى تاعى ءبىر ەلەۋلى قادام بولدى. داۋىس بەرۋ قورىتىندىسى بويىنشا 566 مىڭنان استام پارتيالىق، ياعني «باس­تاۋىش پارتيا ۇيىمدارى» باس­شىلارىنىڭ 20%-ى جاڭاردى، ال
80%-ى سەنىم مانداتىن قايتا راستادى.

«Nur Otan-نىڭ مىندەتى – ءتيىمدى پارتيالىق-ساياسي كۇن ءتارتىبىن قالىپ­تاستىرۋ جانە جەرگىلىكتى جەر­لەردە پارتيالىقتاردىڭ جۇمىسىن تۇبەگەيلى تۇردە كۇشەيتۋ. بۇگىنگى كۇنى بارشا نۇروتاندىقتاردى ەل پرەزي­دەنتى قاسىم-جومارت توقاەۆ­تىڭ «حالىق ۇنىنە قۇلاق اساتىن مەم­لەكەت» تۇجىرىمداماسىن ءتيىمدى ىسكە اسىرۋعا جۇمىلدىرۋ ماڭىزدى. اتاپ ايتقاندا، وزەكتى ماسەلەلەردى اشىق تالقىلاۋ، حالىقپەن «كەرى باي­لانىستى» كۇشەيتۋ، ازاماتتىق باستامالاردى قولداۋ، سونداي-اق بيۋدجەت قاراجاتىن جۇمساۋدىڭ تيىم­دىلىگى مەن اشىقتىعىنا جۇيەلى مونيتورينگ جۇرگىزۋ جانە باسقا دا ماسەلەلەردى قامتيدى. ەلباسى ايتقانداي، نۇروتاندىقتاردىڭ باستى ءۇش قاعيداتى – جاۋاپكەرشىلىك، كومان­دالىق رۋح، پارتيا يدەالدارى مەن قۇندىلىقتارىنا بەرىكتىك. ءبىز مەجەلەنگەن جوسپارلار مەن بەرگەن سايلاۋالدى ۋادەلەرىمىزدىڭ بارلىعىن جۇدىرىقتاي جۇمىلا وتىرىپ، بىرگە جۇزەگە اسىراتىنىمىزعا سەنىمدىمىن»، دەپ تۇيىندەدى ول.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ۇقساس جاڭالىقتار