اتالعان ءىس-شارا «نۇر-سۇلتان قالاسى ىشكى ساياسات باسقارماسى» مم ۇيىتقى بولۋىمەن «وتباسى قۇندىلىقتارىن ناسيحاتتاۋ جانە گەندەرلىك مادەنيەتتى قالىپتاستىرۋ» جوباسى اياسىندا «رۋحاني قوعام الەمى» قوعامدىق قورىنىڭ ۇيىمداستىرۋىمەن ءوتتى. ونلاين وقۋ كۋرسىنا قوعام بەلسەندىلەرى مەن قايراتكەرلەرى قاتىستى.
سپيكەر رەتىندە قازاقستان پسيحولوگتەر ليگاسىنىڭ مۇشەسى – قويشيەۆا ليمانا, نۇر-سۇلتان قالاسى ايەلدەر ءىسى جانە وتباسىلىق-دەموگرافيالىق ساياسات جونىندەگى كوميسسيا حاتشىسى – بيسەمباەۆا ساۋلە, «اقنيەت» اقپاراتتىق-ناسيحاتتاۋ جانە وڭالتۋ ورتالىعىنىڭ» تەولوگ-كەڭەسشىسى, كوپبالالى اكە – راحىمجان ساعىناي جانە «قاراشاڭىراق» جوباسىنىڭ اۆتورى, جۋرناليست, قوعام بەلسەندىسى – شاكەن تۇرار ءسوز سويلەدى. ال ەكىنشى كۇنى, «قاراشاڭىراق» رقب قۇرىلتايشىسى, قوعام قايراتكەرى – شاناي ءنازيپا, سونداي-اق قوعام قايراتكەرى, ء«ۇش بايلىق» قب باسشىسى – اسانعازى ورازكۇل دە بولدى.
سەمينار-ترەنينگتە اعا بۋىن وكىلدەرى وسكەلەڭ ۇرپاقتىڭ بولاشاعىنا الاڭداۋشىلىق ءبىلدىرىپ, قوعامدا بولىپ جاتقان تۇيتكىلدى ماسەلەلەرگە توقتالدى. ماسەلەنىڭ باسى جۋىردا بولعان قازان قالاسىنداعى قانقۇيلى جايتقا قاتىستى ءوربىدى. ءىس-شارانىڭ ماقساتى – جاس بۋىن تامىرىنان اجىراماي, تاريحقا قۇرمەتپەن قاراپ, اتا-ءداستۇردى باسقى قالپىنداي ساقتاپ قالۋ. وسى ورايدا كوميسسيا حاتشىسى ساۋلە بيسەمباەۆا شارانى اشىپ, بالالاردىڭ قاۋىپسىزدىگىنە قاتىستى وي قوزعادى.
«قازان قالاسىندا بولعان توسىن جاعداي ءبارىمىزدىڭ جانىمىزعا قاتتى باتتى. سوندىقتان اتا-انا بالا تاربيەسىنە نەمقۇرايدى قاراماي, مەيلىنشە, قوعامدا ءوز ورنىن تاۋىپ, تۇلعا رەتىندە قالىپتاسۋىنا ۇلەس قوسۋى قاجەت», دەيدى ول.
سونىمەن بىرگە كەلەسى ءسوز كەزەگىن تەولوگ راحىمجان ساعىناي الىپ, وتباسىنداعى اكە مارتەبەسى تاقىرىبىن كەڭىنەن تارقاتىپ بەردى.
«قازىرگى تاڭدا ەر ازاماتتار جۇمىسباستىلىعىن العا تارتىپ, بالا تاربيەسىن ايەل زاتىنا يتەرىپ قويدى. ونىڭ ۇستىنە, ايەلدەردىڭ ءبارى ۇيدە وتىرعان جوق. سول سەبەپتى ايەل بالاسى جۇمىسىمەن قوسا, ءۇي شارۋىسىندا بىرگە الىپ ءجۇرۋ كەرەك تۇسىنىك قوعامدا بەلەڭ الدى», دەدى تەولوگ.
وسى تۇستا تەولوگ ەر ادامداردىڭ بالا تاربيەسىنە كەلگەندە جاۋاپكەرشىلىكتى سەزىنىپ, اكە ينستيتۋتىنىڭ بەرىك بولۋىن باسا نازاردا ۇستاۋ كەرەكتىگىن ايتتى.
سەمينار-ترەنينگتىڭ كەلەسى كۇنىندە ءتىل جاناشىرى, قوعام قايراتكەرى ورازكۇل اسانعازى وسى ساۋالدار اينالاسىندا ءوزىنىڭ پايىمدى تۇجىرىمدارىن ورتاعا سالىپ, ونى قالىپتاستىرۋدا قالاي قولۇشىن بەرۋگە بولاتىنىن ايتىپ ءوتتى. ءوزى دە انا ءارى اجە رەتىندە ونەگەلى اڭگىمەسىن ايتىپ, كەلىستى كەڭەستەرىمەن ءبولىستى. ەكى كۇندىك ونلاين وقۋ كۋرسى بارىسىندا بۇگىنگى وتباسىنىڭ مودەلى قانداي بولۋ كەرەكتىگى ايتىلدى جانە كۋرس قاتىسۋشىلارىنا سەرتيفيكات تاپسىرىلدى.
