الماتى قالالىق پوليتسيا دەپارتامەنتىنىڭ مالىمەتىنە سايكەس, كولدى-جالپاقساي تاس جولىندا «Mazda-626» اۆتوكولىگىنىڭ جۇرگىزۋشىسى رۋلگە يە بولا الماي, جولدىڭ قارسى بەتىنە شىعىپ كەتىپ, 22 جاستاعى الماتى قالاسى پاترۋلدىك پوليتسياسىنىڭ ينسپەكتورى ءنادىر قالىموۆ تىزگىندەگەن «Lada Granta» اۆتوكولىگىمەن سوقتىعىسقان. سوققى ينەرتسياسىمەن «Lada» جول شەتىنە قاراي ۇشىپ كەتىپ, اعاشقا سوعىلعان.
«پوليتسيا كىشى سەرجانتى ن. قالىموۆ تۇنگى اۋىسىمنان ۇيىنە قايتىپ كەلە جاتقان, بىراق ول ۇيىنە سول كۇيى جەتە المادى: پوليتسەي العان جاراقاتتارىنان وقيعا ورنىندا كوز جۇمدى. ءارتۇرلى دەنە جاراقاتتارىن العان «Mazda-626» كولىگىنىڭ جۇرگىزۋشىسى اۋرۋحاناعا جەتكىزىلدى», دەپ حابارلادى پوليتسيادان.
اتالعان فاكتى بويىنشا الماتى وبلىسى پد قاراساي اۋدانىنىڭ پوليتسيا باسقارماسى قر قىلمىستىق كودەكسىنىڭ 345-بابى, 3-بولىگى بويىنشا تەرگەۋ جۇرگىزەدى. پوليتسيا كىشى سەرجانتى ءنادىر قالىموۆ ىشكى ىستەر ورگاندارىندا 2019 جىلدىڭ قىركۇيەگىنەن باستاپ قىزمەت ەتتى. ونىڭ ارتىندا اناسى مەن اياعى اۋىر كەلىنشەگى قالدى.
