كۇنى كەشە حالىقارالىق بوكس قاۋىمداستىعى (ايبا) ايتۋلى جارىسقا قاتىساتىنداردى ىنتالاندىرۋ ماقساتىندا جەڭىس تۇعىرىنا كوتەرىلگەن بىلعارى قولعاپ شەبەرلەرىنە سىياقى تاعايىندالعانى جايىندا جاريا ەتتى. سوعان سايكەس باس جۇلدەنى ولجالاعان بوكسشىعا 10 مىڭ اقش دوللارى تابىس ەتىلەدى. كۇمىس مەدالدى يەلەنگەندەر سول سومانىڭ تەڭ جارتىسىن الادى. ال قولا جۇلدەگە قول جەتكىزگەندەر 2,5 مىڭدى قالتالارىنا سالادى. جارىستىڭ جۇلدە قورىنىڭ جالپى مولشەرى 400 مىڭ اقش دوللارىن قۇراپ وتىر.
ەستەرىڭىزگە سالا كەتەيىك, قازاقستاننىڭ ەرلەر جانە ايەلدەر قۇراماسى ازيا چەمپيوناتىندا بارلىق سالماق دارەجەسى بويىنشا ونەر كورسەتەدى. ياعني, پارسى شىعاناعىندا 20 جەرلەسىمىز شارشى الاڭعا شىعادى.
