اتالعان كۋرستىڭ ماقساتى – بۇۇ-نىڭ بىتىمگەرلىك وپەراتسيالارىنا قاتىساتىن شتابتىق وفيتسەرلەردى دايارلاۋ.
رەسمي اشىلۋ سالتاناتىنداعى سويلەگەن سوزىندە بىتىمگەرشىلىك دايارلىق ورتالىعىنىڭ باستىعى پولكوۆنيك باۋىرجان نىعمەتۋللين قازاقستاننىڭ بەيبىتشىلىكتى قولداۋ جونىندەگى حالىقارالىق كۇش-جىگەر مەن بولاشاق بىتىمگەرلەردى دايارلاۋ پروتسەسىنە قانشالىقتى ءمان بەرەتىنىن اتاپ ءوتتى. سونداي-اق ول كوروناۆيرۋس پاندەمياسىمەن جاھاندىق كۇرەسكە بايلانىستى بارلىق شەكتەۋلەرگە قاراماستان, قازاقستاندىق تاراپ بارلىق تالاپتاردى ەسكەرە وتىرىپ, ءوز اۋماعىندا وسى كۋرستى حالىقارالىق دەڭگەيدە وتكىزۋدى ۇيىمداستىرا العانىن جەتكىزدى.
قازاقستان قارۋلى كۇشتەرىنىڭ اسكەري قىزمەتشىلەرىنەن باسقا مۇندا ۇلتتىق ۇلاننىڭ, توتەنشە جاعدايلار مينيسترلىگىنىڭ وكىلدەرى, سونىمەن بىرگە ۇلىبريتانيانىڭ, يسپانيانىڭ, قىرعىزستان مەن موزامبيكتىڭ تىڭداۋشىلارى وقيدى.
وقۋ بارىسىندا ولار بۇۇ-نىڭ قۇرىلىمىن, قاعيدالارى مەن پروتسەدۋرالارىن, بىتىمگەرلىك قىزمەتتى قاداعالايتىن قۇقىقتىق اياسى, شەشىمدەردى جوسپارلاۋ مەن قابىلداۋ ۇدەرىستەرىن, بولىمدەر مەن بىتىمگەرلەردە حالىقارالىق شتاب قىزمەتتەرىنىڭ مىندەتتەرىن ۇيرەنەدى. باعدارلامادا سونداي-اق ۇلگىلىك جاعدايلار ستسەناريى بويىنشا كىشى توپتاردا تاجىريبە جۇمىسى قاراستىرىلعان.
كۋرستى بىتىرگەن قاتىسۋشىلار شتابتىق وفيتسەر رەتىندە ءبىلىم العانىن راستايتىن حالىقارالىق سەرتيفيكاتتار الادى.
