قۇنى 360 ميلليون تەڭگەلىك كومپيۋتەرلىك توموگرافيا كاسپي قۇبىر كونسورتسيۋمىنىڭ دەمەۋشىلىگىمەن ساتىپ الىنعان.
«جاپوندىق «Hitachi» كومپانياسى شىعارعان مەديتسينالىق اپپارات (SUPRIA مودەلى) ادام دەنەسىن تولىق دياگنوستيكالاۋدى قامتاماسىز ەتەتىن 128 ءبولىمدى سكانەردەن وتكىزەدى. رادياتسيالىق جۇكتەمەنى ازايتۋ ءۇشىن «IntelliEC» دوزاسىن ينتەللەكتۋالدى قايتا ءبولۋ الگوريتمى مەن «IntelliIP» يتەراتسياسىنىڭ زاماناۋي ءادىسى قولدانىلادى. بۇل ۆيزۋاليزاتسيا ساپاسىن جوعالتپاي, دوزالاردىڭ وتە تومەن ماندەرىمەن زەرتتەۋلەر جۇرگىزۋگە مۇمكىندىك بەرەدى», دەيدى وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋاليەۆ.
ونىڭ ايتۋىنشا, بۇل اپپاراتتىڭ كوروناۆيرۋس ينفەكتسياسىنا شالدىققان پاتسيەنتتەر ءۇشىن قاجەتتىگى تۋىنداپتى. قازىر ءوڭىردىڭ اۋرۋحانالىرندا 12 كومپيۋتەرلىك توموگرافيا, 4 مرت, 41رەنتگەن اپپاراتى, 669 وتتەگى كونتسەنتراتتارى, 1514 يمپۋلستىك وكسيمەترلەرى, 267 وكپەنى جاساندى جەلدەتۋ اپپاراتتارى مەن 8 وتتەگى ستانتسياسى بار.
