ايماقتار • 18 مامىر، 2021

كوكشەتاۋدا كولىك جۇرگىزگەن 12 جاستاعى بالا جول اپاتىنا ءتۇستى

363 رەت كورسەتىلدى

كوكشەتاۋدا 12 جاستاعى بالا اكەسىنىڭ كولىگىن رۇقساتسىز جۇرگىزىپ، جول اپاتىنا ءتۇستى، دەپ حابارلايدى Egemen.kz.

17 مامىر كۇنى ساعات 22:00-دە كوكشەتاۋ قالاسىنىڭ 50 جاستاعى تۇرعىنى 8 ناۋرىز كوشەسىندەگى ءۇيدىڭ اۋلاسىندا Mitsubishi Pajero ماركالى اۆتوكولىگىنە جوندەۋ جۇرگىزىپ، ونى وتالدىرىپ، ۋاقىتشا كولىك جانىنان كەتىپ قالعان. وسى ساتتە 12 جاسار ۇلى اكەسىنىڭ اۆتوكولىگىنىڭ سالونىنا وتىرىپ، كولىكتى جۇرگىزگەن. سالدارىنان 8 مارت كوشەسىندەگى اۋلاداعى مەتالل قورشاۋدى قاعىپ كەتكەن.

سودان كەيىن كولىك يەسى وقيعا ورنىنان كولىكتى ايداپ كەتىپ، بۇل تۋرالى ءىىو-عا حابارلاماعان. الايدا تۇرعىندار بولعان جاعدايدىڭ ءبارىن تەلەفون كامەراسىنا ءتۇسىرىپ، الەۋمەتتىك جەلىلەردە تاراتقان.

پوليتسيا وكىلدەرى ءبىر ساعات ىشىندە جۇرگىزۋشىنى انىقتاپ، جاۋاپقا تارتتى. اۆتوكولىك يەسىنە اكىمشىلىك قۇقىق بۇزۋشىلىق تۋرالى كودەكس 611-بابىنىڭ 1-بولىگى (جۇرگىزۋشىنىڭ جول-كولىك وقيعاسىنا بايلانىستى مىندەتتەردى ورىنداماۋى) بويىنشا اكىمشىلىك حاتتاما تولتىرىلدى.

سوڭعى جاڭالىقتار

ۇقساس جاڭالىقتار