تاعايىنداۋ • 18 مامىر، 2021

قىزىلوردادا ۆەتەريناريا باسقارماسىنا جاڭا باسشى كەلدى

14 رەت كورسەتىلدى

قىزىلوردا وبلىسى اكىمىنىڭ وكىمىمەن ۆەتەريناريا باسقارماسىنىڭ باسشىسى قىزمەتىنە قويشىباەۆ شاحماردان سۇلتانبەك ۇلى تاعايىندالدى، دەپ حابارلايدى Egemen.kz.

ش. قويشىباەۆ 1974 جىلى دۇنيەگە كەلگەن. قازاقتىڭ ەڭبەك قىزىل تۋ وردەنىنىڭ مەملەكەتتىك اۋىلشارۋاشىلىعى ينستيتۋتىن «عالىم اگرونوم»، «بولاشاق» ۋنيۆەرسيتەتىن «ەكونوميكا» ماماندىقتارى بويىنشا بىتىرگەن. ەڭبەك جولىن 1990 جىلى ى.جاقاەۆ اتىنداعى شارۋا قوجالىعىنىڭ جۇمىسشى رەتىندە باستاعان.

1996-2001 جىلدارى ى.جاحاەۆ اتىنداعى كولحوزىنىڭ اگرونومى، «شاحماردان» شارۋا قوجالىعىنىڭ توراعاسى بولسا، 2001-2005 جىلدارى شيەلى اۋدانى اكىمى اپپاراتىنىڭ ۇيىمداستىرۋ-باقىلاۋ جانە كادر جۇمىسى ءبولىمىنىڭ جەتەكشى مامانى قىزمەتتەرىن اتقاردى.

2005-2012 جىلدارى قىزىلوردا وبلىسى اۋىل شارۋاشىلىعى باسقارماسىنىڭ ءبولىم باسشىسى، قىزىلوردا وبلىسى اكىمى اپپاراتىنىڭ ۇيىمداستىرۋ-ينسپەكتورلىق جۇمىس جانە ايماقتىق دامۋ ءبولىمىنىڭ باس ينسپەكتورى، قازالى اۋدانى اكىمىنىڭ ورىنباسارى، قىزىلوردا وبلىسى اۋىل شارۋاشىلىعى باسقارماسى باسشىسىنىڭ ورىنباسارى بولعان.

2012-2020 جىلدارى قىزىلوردا وبلىسىنىڭ جەر قاتىناستارى باسقارماسىنىڭ باسشىسى قىزمەتىن اتقاردى. 2020 جىلدان وسى كەزگە دەيىن – قىزىلوردا وبلىسى اۋىل شارۋاشىلىعى باسقارماسىنىڭ باسشىسى بولعان.

سوڭعى جاڭالىقتار

ۇقساس جاڭالىقتار