قازىر قازاقستاندا مەديتسينالىق ماسكا وندىرەتىن 17 كاسىپورىن بار. ولار نۇر-سۇلتان, الماتى, شىمكەنت قالالارىندا, پاۆلودار, اتىراۋ, اقتوبە, الماتى جانە جامبىل وبلىستارىندا ورنالاسقان.
جالپى العاندا, كاسىپورىندار كۇنىنە 1600-دەن استام ماسكا شىعارادى. قازىر قويمالاردا 18 ملن-نان استام مەديتسينالىق ماسكا بار.
سونداي-اق ەلىمىزدە ءبىر رەتتىك جانە قايتا پايدالانۋعا بولاتىن قورعانىش كوستيۋمدەرى وندىرىلەدى. قازاقستاندا جۇمىس ىستەيتىن 6 كاسىپورىن ايىنا جارتى ميلليوننان استام ءونىم شىعارادى. ولار الماتى, شىمكەنت, پاۆلودار, ورال جانە الماتى وبلىستارىندا ورنالاسقان.
يندۋستريا مينيسترلىگى الماتى مەن نۇر-سۇلتاندا تاعى ەكى جاڭا ءوندىرىس ورنىن اشىلۋعا قولداۋ كورسەتىپ جاتىر. ولار ىسكە قوسىلعاننان كەيىن ايىنا قوسىمشا 344 مىڭ كوستيۋم شىعارىلادى.
ودان بولەك, قازاقستاندا دەنە قىزۋىن تۇسىرەتىن 15 ءتۇرلى پرەپارات شىعاراتىن 4 كومپانيا جۇمىس ىستەيدى جانە ۆيرۋسقا قارسى پرەپاراتتاردىڭ 15 ءتۇرىن وندىرەتىن وتاندىق 5 كاسىپورىن بار.
