«بىرىنشىدەن, بالالاردىڭ باسىم كوپشىلىگى مەكتەپتىڭ جاعدايىنداعى سپورتپەن اينالىسادى. قازاقستانداعى 3,4 ملن وقۋشى ءۇشىن اپتاسىنا ءۇش ساعاتتىق دەنە شىنىقتىرۋ ساباعى قولجەتىمدى, ياعني بالالاردىڭ دەنساۋلىعىن ەسكەرە وتىرىپ, ءۇش ساعاتتى قامتىدىق. ەكىنشىدەن, سپورتپەن سەكتسيالاردا اينالىسۋ ماسەلەسىنە توقتالساق, بالالالار جانە جاسوسپىرىمدەردىڭ سپورت مەكتەپتەرىنىڭ سانى جەتكىلىكسىز ەكەنىن اتاپ ءوتتى. سوندىقتان 965 مىڭ بالا مەكتەپتىڭ جانىنداعى سپورت سەكتسياسىنا بارادى. ويتكەنى ولارعا قوسىمشا ءبىلىم (سپورت) مەكەمەلەرى قولجەتىمدى ەمەس. وسى ورايدا باسىم جۇمىستى مەكتەپتەگى دەنە شىنىقتىرۋ مۇعالىمدەرى جۇرگىزىپ جاتىر», - دەدى ش. كارينوۆا ءماجىلىستىڭ الەۋمەتتىك-مادەني دامۋ كوميتەتىنىڭ كەڭەيتىلگەن وتىرسىندا. ونىڭ ايتۋىنشا, مەكتەپتەردىڭ ىشىندەگى سپورت سەكتسيالارىنىڭ سانى 45 مىڭنان اسادى. «ال ناقتى سپورت مەكەمەلەرىنە توقتالساق, ولاردىڭ سانى - 435. ول جەردە 346 مىڭنان استام عانا بالا قامتىلعان. بۇل ءوز كەزەگىندە جەتكىلىكسىز», دەدى ۆيتسە-مينيستر.
