مالىمەت بويىنشا, اگەنتتىك 102 اكىمشىلىك قۇقىق بۇزۋشىلىق تۋرالى حاتتاما تولتىرعان. شەنەۋنىكتەر رۇقسات بەرۋ مەرزىمدەرىن ۇزارتقان جانە ءتارتىبىن بۇزعان, سونداي-اق, ولاردى بەرۋدەن نەگىزسىز باس تارتقانى ءۇشىن جازالاندى.
سوتتاردىڭ شەشىمى بويىنشا, 54 لاۋازىمدى تۇلعا جاۋاپقا تارتىلدى, ونىڭ ىشىندە ورتالىق مەملەكەتتىك ورگانداردىڭ 12 جانە جەرگىلىكتى اتقارۋشى ورگانداردىڭ 42 قىزمەتكەرى.
اكىمشىلىك جاۋاپقا مىنا لاۋازىمدى تۇلعالار تارتىلدى:
مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ توراعاسى جانە توراعاسىنىڭ ورىنباسارى,
ادىلەت مينيسترلىگى دەپارتامەنتىنىڭ ديرەكتورى,
ورتالىق مەملەكەتتىك ورگانداردىڭ ۆەدومستۆو بولىمشەلەرىنىڭ 8 باسشىسى,
اقتوبە, تۇركىستان جانە قىزىلوردا وبلىستارى اكىمدىكتەرىنىڭ وبلىستىق باسقارمالارىنىڭ (اۋىل شارۋاشىلىعى, جەر قاتىناستارى, تابيعي رەسۋرستار جانە تابيعات پايدالانۋدى رەتتەۋ) 3 باسشىسى,
جامبىل وبلىسى قورداي, مويىنقۇم اۋدانىنىڭ اكىمدەرى جانە 4 اۋىلدىق وكرۋگ اكىمدەرى سونداي-اق, جەر قاتىناستارى ءبولىمىنىڭ باسشىسى,
ساۋلەت جانە قالا قۇرىلىسى بولىمدەرىنىڭ 5 باسشىسى,
اۋدان اكىمدىكتەرىنىڭ 2 لاۋازىمدى تۇلعاسى جازالاندى.
