ايماقتار • 18 مامىر، 2021

ەلوردادا 2023 جىلعا دەيىن 123 شاقىرىم ۆەلوسيپەد جولى سالىنادى

8 رەت كورسەتىلدى

نۇر-سۇلتان قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسى 2023 جىلعا دەيىن 123 شاقىرىم ۆەلوسيپەد جولىن سالۋ جوباسىن جۇزەگە اسىرادى. جوبا 3 كەزەڭگە بولىنگەن، دەپ حابارلايدى ەلوردا اكىمدىگىنىڭ رەسمي سايتى.

جوبانىڭ ءبىرىنشى كەزەڭى اياسىندا 2021 جىلى ۇزىندىعى 46،4 كم ۆەلوجول جانە ۆەلوسيپەد قوياتىن 22 ورىن (Bike ۆەلو) قاراستىرىلعان.

قازىر الماتى اۋدانىنداعى ابىلاي حان، ع.مۇستافين، ش. قۇدايبەردى ۇلى، ر. قوشقارباەۆ داڭعىلدارىندا (ۇزىندىعى 4،5 كم)جۇمىستار باستالدى.

ودان ءارى قۇرىلىس جۇمىستارى مىنا ۋچاسكەلەردە جالعاسادى: №2 – ب.مومىش ۇلى داڭعىلى، قوشقارباەۆ كوشەسى، ايناكول كوشەسى; №3 – ا. بايتۇرسىنوۆ كوشەسى، قالداياقوۆ كوشەسى، تاۋەلسىزدىك داڭعىلى; №4 – پۋشكين، اممان، ا. توقپانوۆ، قاجىمۇقان، ق.ساتپاەۆ كوشەلەرى، جۇماباەۆ داڭعىلى.

2022 جىلعا ارنالعان 2-كەزەڭدە ۇزىندىعى 35،908 كم ۆەلوجول جانە ۆەلوسيپەد قوياتىن 18 ورىن (Bike ۆەلو) قاراستىرىلعان.

2023 جىلعى 3-كەزەڭدە ۇزىندىعى 39،4 كم ۆەلوجول جانە ۆەلوسيپەد قويۋعا ارنالعان 11 ورىن (Bike ۆەلو) سالۋ كوزدەلگەن.

ايتا كەتۋ كەرەك، ۆەلوسيپەد جولدارىنىڭ بويىندا ۆەلوسيپەدتەرگە ارنالعان تۇراقتار جوبالانعان. ءاربىر 100 مەتردەن كەيىن ۆەلوسيپەدشىلەرگە ارنالعان قيعاش ورناتىلعان قوقىس جاشىگى قويىلادى.

ۆەلوجول بويىندا ورىندىقتار، ۆەلوسيپەدشىلەرگە ارنالعان 8 ورىندىق تۇراق جانە قوقىس جاشىگى كوزدەلگەن. سونداي-اق «استانا Bike» ۆەلو-sharing جۇيەسىن جالعا بەرۋ ورىندارى دا قويىلادى.

سونىمەن قاتار، كەيبىر تۇستاردا ۆەلوسيپەدشىنىڭ قاۋىپسىزدىگىن قامتاماسىز ەتەتىن قورشاۋلار سالىنادى. ۆەلوسيپەد ينفراقۇرىلىمىندا جول بەلگىلەرى، تاعاندار، تاڭبالار جانە دابىل باعانالارى ورناتىلادى.

سوڭعى جاڭالىقتار

ۇقساس جاڭالىقتار