ايماقتار • 18 مامىر، 2021

بالقاش-الاكول باسسەينىنىڭ سۋ ايدىندارىندا براكونەرلىكپەن كۇرەس جۇرگىزىلەدى

10 رەت كورسەتىلدى

ەكولوگيا مينيسترلىگى مەن ىشكى ىستەر مينيسترلىگى بالقاش-الاكول باسسەينىنىڭ سۋ ايدىندارىندا براكونەرلىكپەن كۇرەسۋ بويىنشا كۇش بىرىكتىردى، دەپ حابارلايدى Egemen.kz ەكولوگيا مينيسترلىگىنە سىلتەمە جاساپ.

بالقاش-الاكول باسسەينىنىڭ سۋ ايدىندارىندا براكونەرلىكتى الدىن-الۋ جانە ونىمەن كۇرەسۋ ماقساتىندا، ەكولوگيا، گەولوگيا جانە تابيعي رەسۋرستار مەن ىشكى ىستەر مينيسترلەرىنىڭ اراسىندا بالقاش-الاكول باسسەينىنىڭ سۋ ايدىندارىندا براكونەرلىكپەن كۇرەسۋ بويىنشا وپەراتيۆتىك-پروفيلاكتيكالىق ءىس-شارالار جۇرگىزۋ بويىنشا قابىلدانعان جوسپار جانە بىرلەسكەن بۇيرىققا قول قويىلدى.

اتالعان قۇجاتتاردى ىسكە اسىرۋ ماقساتىندا، جوعارىدا اتالعان مينيسترلىكتەردىڭ ورتالىق اپپاراتىنىڭ جانە قۇرىلىمدىق بولىمدەرىنىڭ تاجىريبەلى قىزمەتكەرلەرىنەن جۇمىس توبى قۇرىلدى.

سونىمەن قاتار، قاپشاعاي قالاسىندا جۇمىس توبىنىڭ العاشقى وتىرىسى ءوتىپ، وندا قۇرىلعان بىرلەسكەن موبيلدىك توپتار جۇمىسىنىڭ نەگىزگى باعىتتارى بەلگىلەندى.

العاشقى وتىرىس رەسپۋبليكالىق جانە وبلىستىق ماڭىزى بار بۇقارالىق اقپارات قۇرالدارى وكىلدەرىنىڭ قاتىسۋىمەن ءوتتى.

ودان باسقا، اتالعان ءىس-شارانىڭ باستالۋىن تانىمال الەۋمەتتىك جەلىلەردە كەڭىنەن جاريالاۋ ماقساتىندا، ماجىلىسكە الماتى وبلىسى بويىنشا جەمقورلىققا قارسى «ادالدىق الاڭى» ورتالىعىنىڭ، «ماستەر لودوك» ەرىكتىلەر توبى، الماتى وبلىسى بويىنشا «بالىق شارۋاشىلىقتارى قاۋىمداستىعى-بد» رەسپۋبليكالىق قاۋىمداستىعى، قر اۋەسقويلىق-سپورتتىق بالىق اۋلاۋ فەدەراتسياسىنىڭ باسشىلارى جانە «وحوتنيكي KZ» سايتى اكىمشىلىگىنىڭ وكىلدەرى قاتىستى.

جۇرگىزىلگەن جۇمىستار بارىسى جانە ناتيجەلەرى تۋرالى اقپارات بۇقارالىق اقپارات قۇرالدارى مەن ينتەرنەت-رەسۋرستارى ارقىلى جاريالانىپ تۇرادى.

سوڭعى جاڭالىقتار

ۇقساس جاڭالىقتار