الەم • 18 مامىر، 2021

ءۇندى شايىنىڭ باعاسى قىمباتتاۋى مۇمكىن

9 رەت كورسەتىلدى

ساراپشىلار الەمدەگى ەڭ تانىمال شاي ءۇندى شايى قىمباتتايدى دەپ بولجام جاساپ وتىر، دەپ حابارلايدى Egemen.kz kun.uz سايتىنا سىلتەمە جاساپ.

ءۇندىستاندا كوروناۆيرۋس ينفەكتسياسىنىڭ ورشۋىنە بايلانىستى پلانتاتسيانىڭ جۇزدەگەن جۇمىسشىلارى COVID-19 ىندەتىن جۇقتىرىپ، سىرقاتتانىپ قالعان. 

ىندەتپەن قاتار تابيعي اپاتتار دا زيان كەلتىرىپ تۇر. ەلدىڭ باسىم بولىگىندە قاتتى ىستىق پەن قۇرعاقشىلىق ۇلكەن ماسەلە تۋدىرىپ وتىر. ساراپشىلار مۇنىڭ ءبارى ەگىن جيناۋعا كەدەرگى كەلتىرۋى مۇمكىن ەكەنىن ايتادى. وسى باستان جۇمىس ونىمدىلىگى ازايا باستاعان سەكىلدى. ال بۇل ءوز كەزەگىندە شاي باعاسىنىڭ وسۋىنە اكەلۋى ابدەن مۇمكىن. 

RG.ru كەلتىرگەن دەرەكتەرگە سەنسەك، ءۇندىستان الەمدەگى ەڭ ءىرى شاي ەكسپورتتاۋشى مەملەكەت.  شيكىزات ەكسپورتى بويىنشا شاي ەل ەكونوميكاسىندا ەكىنشى ورىن الادى. بۇل ەلدە وندىرىلەتىن ءونىمدى نەگىزىنەن يمپورتتاۋشىلار يران، رەسەي جانە اقش ەلدەرى. 

حالىقارالىق ساۋدا ورتالىعىنىڭ (حسو) ستاتيستيكالىق پورتالىنداعى مالىمەتتەرگە ۇڭىلسەك، ەل 2019 جىلى 813،8 ميلليون دوللارعا شاي ەكسپورتتاعان. 2020 جىلعى مالىمەتتەر ءالى جاريالانباعانعا ۇقسايدى. 

Mintec اناليتيكالىق فيرماسى ءساۋىر ايىندا كالكۋتادا وتكەن اۋكتسيوندا شاي باعاسى الدىڭعى ايمەن سالىستىرعاندا 40%-دان استام ءوستى دەپ ەسەپتەگەن. 

كەيبىر ساراپشىلار ءۇندىستان شاي ەكسپورتىمەن بايلانىستى پروبلەمالارعا تاپ بولسا، باسقا ەلدەردىڭ شاي جەتكىزۋشىلەرىنە مۇمكىندىكتەر تەرەزەسى اشىلادى دەپ ەسەپتەيدى.

سوڭعى جاڭالىقتار

«بارىسقا» جاڭا قاقپاشى كەلدى

حوككەي • بۇگىن، 09:18

COVID-19: بوساڭسۋعا بولمايدى

الەم • بۇگىن، 08:51

تىلگە قۇرمەت – ەلگە قۇرمەت

قازاقستان • بۇگىن، 08:48

ايمانوۆتىڭ مۋرالى اشىلدى

ايماقتار • بۇگىن، 08:41

ۇقساس جاڭالىقتار