شقو پوليتسيا دەپارتامەنتىنىڭ مالىمەتىنشە, 43 جاستاعى اۆتوكولىك جۇرگىزۋشىسى كاتونقاراعاي اۋدانىنىڭ «وسكەمەن-راحمان قاينارلارى» جولىمەن كەلە جاتىپ, قاۋىپسىزدىك جىلدامدىعىن ساقتاماي ۇزاق بۇرىلىستا ءرۋلدى باسقارا الماي جول جيەگىنە شىعىپ كەتىپ, كيۋۆەتكە اۋدارىلعان.
جكو ناتيجەسىندە العان دەنە جاراقاتتارىنان 24 جاستاعى كولىك جولاۋشىسى كاتونقاراعاي اۋدانىنىڭ اۋرۋحاناسىندا قايتىس بولعان.
اتالعان فاكتى بويىنشا قر قك-ءنىڭ 345-بابى 3-بولىگى– ابايسىزدا ادامنىڭ ولىمىنە اكەپ سوققان كولىك قۇرالىن باسقاراتىن ادامداردىڭ جول ءجۇرىسى قاعيدالارىن بۇزۋى بويىنشا سوتقا دەيىنگى تەرگەپ-تەكسەرۋ باستالدى.
