قازاقستان • 18 مامىر، 2021

كۇزدە – حالىق ساناعى

69 رەت كورسەتىلدى

2021 جىلدىڭ 1 قىركۇيەگى مەن 30 قازانى ارالىعىندا قازاقستاندا جالپىۇلتتىق حالىق ساناعى وتەدى. ساناق «قازاقستاندا اركىم ماڭىزدى! ۆ كازاحستانە كاجدىي ۆاجەن!» ۇرانى اياسىندا ۇيىمداستىرىلادى. ۇلتتىق ستاتيستيكا بيۋروسى ساناقتى وتكىزۋ پروتسەسىن اۆتوماتتاندىرۋ جانە وعان زاماناۋي ساندىق تەحنولوگيالاردى ەنگىزۋ 2021 جىلدىڭ ۇلتتىق ساناعىنىڭ باستى جاڭالىعى بولادى دەپ حابارلايدى. بيىل ازاماتتارعا ساۋالداما پاراقتارىن ونلاين-رەجىمدە ءوز بەتىنشە تولتىرۋ نەمەسە ءۇي-ءۇيدى ارالاۋ كەزىندە وفلاين تولتىرۋ مۇمكىندىكتەرى ۇسىنىلۋدا.

1 قىركۇيەكتەن باستاپ sanaq.gov.kz ارنايى سايتى جۇمىسىن باستايدى، مۇن­دا قازاقستاندىقتار 15 قازانعا دەيىن ون­لاين-رەجىمدە ساناققا قاتىستى بارلىق سۇراققا جاۋاپ بەرە الادى. ءداستۇرلى جالپى ارالاۋ 1-30 قازان ارالىعىندا جۇرگى­زىلەدى جانە ول بەلگىلەنگەن مەرزىم ىشىندە
ساناقتان ونلاين-رەجىمدە وتپەگەن رەسپون­دەنتتەر اراسىندا جۇرگىزىلەتىن بولادى. ءداستۇرلى كەزەڭنىڭ جاڭاشىلدىعى – ينتەر­ۆيۋەر­لەردىڭ ءۇي ارالاۋ كەزىندە ەلەكتروندى پلانشەتتەردى پايدالانۋى بولماق. بۇل ساناق جۇرگىزەتىن قىزمەتكەرلەردىڭ ەڭبەك شىعىنىن تومەندەتۋگە، مالىمەتتەر ساپاسىنا ادام فاكتورىنىڭ ىقپالىن ازايتۋعا، جسن-ءىن ەنگىزە وتىرىپ، ساناق مالىمەتتەرىنىڭ ناقتىلىق دەڭگەيىن ارتتىرۋعا، قاعاز بەن كەڭسەلىك قۇرالداردى ايتارلىقتاي ۇنەمدەۋگە، سونداي-اق ينتەرۆيۋەرلەر ءۇشىن قولايلى ەتىپ، ولاردىڭ جيناقىلىعىن ارتتىرۋعا مۇمكىندىك بەرەدى.

ساناق كەزىندە مالىمەت جيناۋ ءۇشىن سايكەستەندىرگىش اقپارات رەتىندە ساۋالداماعا قاتىسۋشىنىڭ جسن-ءى قولدانىلادى. بۇل اقپارات­تىڭ قايتالانباۋىنا مۇمكىندىك بەرەدى.

 

سۇراقتار اياسى كەڭىدى

2021 جىلدىڭ ۇلتتىق ساناعىن جۇرگىزۋ كەزىندە قازاقستان ازامات­تا­رىنا بارلىعى 87 سۇراق قويى­لادى. ۇلتتىق ستاتيستيكا بيۋرو­سى­نىڭ حابارلاۋىنشا، ساناق پاراق­تارىنداعى سۇراقتار تىزبەسى اي­تارلىقتاي ۇلعايتىلعان.

مۇن­دا بارلىعى 67 سۇراق جانە وعان قو­سىمشا 20 ناقتىلاۋشى سۇراق­تار كىرىستىرىلگەن. سۇراق­تار­دىڭ ايا­­سىن كەڭەيتۋگە ەۋرو­پالىق سا­ناق­شىلاردىڭ 2020 جىلعى تۇر­­عىن ءۇي قورىن جانە تۇر­عىن­دار ساناعىن جۇرگىزۋ جونىن­دەگى ۇسىنىستارى مەن تمد مەم­لەكەت­ارالىق ستاتيستيكالىق كومي­­تەتتىڭ ادىستەمەلىك ماتەريال­دارى نەگىز بولدى.

ساۋالداما 73 سۇراق اياسىندا جۇرگىزىلگەن 2009 جىلدىڭ ۇلتتىق ساناعىنان ەرەكشەلىگى، 2021 جىلدىڭ ساناعىندا كوشى-قون، ەڭبەكپەن قامتۋ، نەكە جاعدايى، بالا تۋ جانە ءتىل ءبىلۋى بويىنشا سۇراقتار اياسى كەڭەيتىلگەن. سونداي-اق بۇۇ-نىڭ مۇگەدەكتىك ستاتيستيكاسى جونىندەگى ۆاشينگ­تون توبىمەن ۇسىنىلعان جاڭا سۇراقتار قوسىلدى، مۇندا مۇگە­دەكتىك كريتەريلەرىن ەسكەرىپ، دەنساۋلىق ساقتاۋ ستاتيستيكاسى اياسىندا حالىقارالىق ىنتىماق­تاس­تىقتى كەڭەيتۋگە ىقپال ەتۋ كوزدەلگەن.

 

العاش رەت ونلاين قاتىسا الادى

ۇلتتىق ستاتيستيكا بيۋروسى حابارلاعانداي، 2021 جىلدىڭ ۇلتتىق ساناعىن 1 قىركۇيەكتەن 15 قازانعا دەيىنگى ارالىقتا sanaq.gov.kz. ارنايى سايتىندا ونلاين رەجىمدە رەسپوندەنتتەردىڭ وزدەرىنىڭ تولتىرۋى ارقىلى جۇر­گىزۋ جوسپارلانۋدا.

جۇيە تاۋلىگىنە 24 ساعات بويى قولجەتىمدى بولادى. رەسپوندەنت ساناققا قاتىسۋ ءۇشىن وزىنە ىڭ­عايلى كەز كەلگەن ۋاقىتتى تاڭداي الادى، سونداي-اق سايتتا بلانكتى تول­تىرۋدى توقتاتۋ جانە ونى تولتىرۋدى كەيىن قايتا جال­عاستىرۋ مۇمكىندىگى بولادى. سونىمەن قاتار egov.kz ەلەك­تروندى ۇكىمەت پلاتفورماسىندا sanaq.gov.kz سايتىنىڭ قوسىمشا پاراعى ورنالاستىرىلادى، بۇل ارقىلى ەلەكتروندى تسيفرلى قولتاڭبانى (ەتسق) قولدانىپ، ساناققا قاتىسۋعا بولادى. ءموبيلدى ازاماتتار ءۇشىن «Aitu» ءموبيلدى قوسىمشاسى ارقىلى ۇلتتىق ساناققا قاتىسۋ مۇمكىندىگى ۇسىنىلاتىن بولادى.

 

سall-ورتالىق جۇمىس ىستەيدى

2021 جىلدىڭ ۇلتتىق ساناعى كەزىندە 1446 بىرىڭعاي call-ور­تالىعى جۇمىس ىستەيدى.

1446 – ەلدىڭ بارلىق اۋماعىن­داعى ءموبيلدى جانە ستاتسيو­نار تەلەفوندار ءۇشىن بىرىڭعاي ءنومىر بولادى. سونداي-اق، 8 8000 800 878 ءنومىرى جۇمىس ىستەيدى. سall-ورتا­لىققا قوڭىراۋ شالۋ تەگىن.

رەسپوندەنت call-ورتالىققا 1446 ءنومىرى بويىنشا قوڭىراۋ شالعان كەزدە كەيبىر ايقىن سۇراق­­تار بويىن­شا بيۋرونىڭ اي­ماق­تارداعى جانە ورتالىق اپپا­­راتتاعى سايكەستى تەلەفون نومىر­لەرىنە اۆتوماتتى تۇردە قوسۋلار جۇرگىزىلەدى. سونىمەن قاتار رەسپوندەنتتەر كەز كەلگەن ارىز-ساۋال­مەن نەمەسە كەڭەس الۋ ءۇشىن بيۋرونىڭ http://stat.gov.kz ين­تەرنەت-رەسۋرسىنا، بيۋرو باس­شى­­سىنىڭ بلوگىنا، سونداي-اق الەۋمەتتىك جەلىلەر ارقىلى (YouTube، Facebook، Instagram، Telegram) جۇگىنە الادى.

32 مىڭنان استام ادام تارتىلادى

ۇلتتىق ستاتيستيكا بيۋروسى حابارلاعانداي، ۋاقىتشا جۇ­مىسقا كەلەسى تالاپتارعا ساي­كەس كەلەتىن قازاقستان ازاماتتارى تارتىلادى: جاسى 18-دەن جوعارى، باستاماشىل، جاۋاپتى، تەز ءتىل تابىساتىن، كومپيۋتەرمەن جۇمىس ىستەي الاتىن، جۇمىس وتىلىنە جانە كاسىبي بىلىمىنە تالاپتار قو­يىلمايدى.

قازىرگى ۋاقىتتا 17 ايماقتان جالپى سانى 85 ادامنان تۇراتىن ۇلتتىق ساناقتى دايىنداۋ جانە وتكىزۋ جونىندەگى شتاتتان تىس بو­لىمدەر قۇرىلدى. بارلىق قىز­مەتكەرمەن ەڭبەك كەلىسىمشارتى جا­سالدى، دارەجەلەرىنە باي­لانىس­تى 65-105 مىڭ تەڭگە ارا­لىعىندا ايلىق ەڭبەكاقى بەل­گىلەندى. بۇل بولىمدەر ءوز ايماق­تارى بويىنشا ساناققا دايىندىق جانە وتكىزۋ بويىنشا ۇيىمداستىرۋ جۇمىستارىن جۇرگىزۋدە، ۋاكىلدەردىڭ، نۇسقاۋ­شى-باقىلاۋشىلاردىڭ جانە ين­تەر­ۆيۋەرلەردىڭ جۇمىستارىن با­قى­لاۋدا.

ساناقتى دايىنداۋ جانە وتكىزۋ ءۇشىن اۋدان ورتالىق­تا­رىنداعى جانە اۋىلدىق وكرۋگ­تەردەگى ستاتيس­تيكانىڭ اۋماق­تىق بولىمشەلەرىندە ۇلت­تىق ساناقتى دايىنداۋ جانە وتكىزۋ بويىنشا 997 نۇسقاۋشى (ۋاكىلدەر) جۇمىسقا تارتىلادى. ۋاكىلدەردىڭ ەڭبەكاقىسى 85 477 تەڭگەنى قۇرايدى، سونداي-اق اي­لىقتىڭ 10% مولشەرىندە جالاقىعا ۇستەمە قاراستىرىلعان.

نۇسقاۋشىلاردىڭ مىندەتىنە دايىندىق ءىس-شارالارىن وت­كىزۋ كىرەدى: ساناقتىڭ جۇر­گى­زىلۋىن باق-تا جاريالاۋدى ۇيىم­­داس­تىرۋ; ساناق قىزمەت­كەرلەرىن تاڭداۋ، ولاردى وقى­تۋ جانە ۇي­لەستىرۋ بويىن­شا ۇيىم­داس­تىرۋ جۇمىستارى; سا­ناق­تىق اۋدانداس­تىرۋدى (تىر­كەۋ، نۇس­قاۋشىلىق جانە ەسەپتىك ۋچاس­كەلەرگە ءبو­لۋ) قۇرۋدى قام­تا­ماسىز ەتۋ; تۇر­عىندار سانا­عىن وتكىزۋگە قاتىسۋ.

مالىمەتتەر جيناۋ بويىنشا تىكەلەي جۇمىس ءۇشىن ۋاقىتشا 32 313 ساناق قىزمەتكەرلەرى: نۇس­قاۋشى-باقىلاۋشىلار جانە ينتەرۆيۋەرلەر تارتىلاتىن بولادى. ينتەرۆيۋەرلەرمەن جانە نۇس­­قاۋشى-باقىلاۋشىلارمەن اقى­­لى قىزمەت كورسەتۋ بويىنشا كەلىسىمشارتتار جاسالادى. ين­تەرۆيۋەرلەردىڭ 1-ءشى جانە 2-ءشى كەزەڭنىڭ جۇمىسىنا اقى تولەۋ تولىق كولەمدە قىزمەت كور­سە­تىلگەن جاعدايدا 30 كۇنگە 83-104 مىڭ تەڭگەنى قۇرايدى. 1-ءشى جانە 2-ءشى كەزەڭنىڭ نۇسقاۋشى-با­قىلاۋشىلارىنا تولىق كو­لەمدە كورسەتىلگەن قىزمەت ءۇشىن 45 كۇنگە 125 014 تەڭگە تولەۋ جوس­پارلانۋدا.

سوڭعى جاڭالىقتار

ىندەتپەن كۇرەستە ىركىلمەگەن مامان

كوروناۆيرۋس • بۇگىن، 08:34

ارمانىنا جەتكەن جان

رۋحانيات • بۇگىن، 08:30

وتانشىلدىق – تاۋەلسىزدىك تىرەگى

رۋحانيات • بۇگىن، 08:16

العىس ارقالاعان جاناشىر جاندار

مەديتسينا • بۇگىن، 08:01

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار