«شەتەلدىڭ, ەڭ الدىمەن ءوزىمىز دە تانىسقان تۇركيانىڭ تاجىريبەسى كورسەتىپ وتىرعانداي, تەلەحيكايالاردىڭ يدەولوگيالىق مازمۇنى مەن ساپاسىن ارتتىرۋ اسپەكتىلەرىندە تەك كينوسەريالدىق ءوندىرىس كەشەنىنىڭ بارلىق قاتىسۋشىلارى بىرىككەندە عانا, ياعني ستسەناريست پەن رەجيسسەردەن باستاپ سىنشى-رەتسەنزەنتكە دەيىن, بۇل سالادا ەداۋىر ناتيجە كورسەتۋىمىز مۇمكىن. بۇل پروتسەستەرگە كينوسىنشىلار ينستيتۋتى قاتىسپاي, قازاقستاندىق تەلەحيكايالار مادەني پەريفەريادا قالا بەرمەك», دەدى مينيستر.
كەزدەسۋ بارىسىندا كينوسىنشىلار قازاقستانداعى كينوسەريالدىق يندۋستريانى دامىتۋ سالاسىنا قاتىستى ءوز ۇسىنىستارى مەن پىكىرلەرىن ءبىلدىردى. وسى ورايدا ا.بالاەۆا: «اقپارات جانە قوعامدىق دامۋ مينيسترلىگى تەلەحيكايالاردىڭ كاسىبي ورىندالۋى مەن يدەولوگيالىق مازمۇنىنىڭ ساپاسىن ارتتىرۋ ماقساتىندا سىزدەردى ىنتىماقتاستىققا شاقىرادى», دەدى.
ءىس-شارا سوڭىندا ا.بالاەۆا مينيسترلىك تەلەحيكايالىق ءونىم سالاسىن دامىتۋ ماسەلەسى بويىنشا سىندارلى ۇسىنىستارعا اشىق ەكەنىن اتاپ ءوتتى, دەپ حابارلادى اقپارات جانە قوعامدىق دامۋ مينيسترلىگىنىڭ ءباسپاسوز قىزمەتى.
