قازاقستان • 17 مامىر، 2021

ايدا بالاەۆا الماتىدا ۇەۇ وكىلدەرىمەن كەزدەستى

14 رەت كورسەتىلدى

بۇگىن اقپارات جانە قوعامدىق دامۋ ءمينيسترى ايدا بالاەۆا ۇەۇ وكىلدەرىمەن قايىرىمدىلىق جانە ۆولونتەرلىك، گرانتتار تۋرالى زاڭ جوباسىنىڭ ماسەلەلەرىن تالقىلادى، دەپ حابارلايدى Egemen.kz.

كەزدەسۋگە سوروس-قازاقستان قورى باسقارماسىنىڭ ءتورايىمى ا. ايدارقۇلوۆا جانە سوروس-قازاقستان قورى باعدارلامالارىنىڭ ديرەكتورى ب. ايازباەۆا، سونداي-اق ادام قۇقىقتارى جانە زاڭدىلىقتى ساقتاۋ جونىندەگى قازاقستان حالىقارالىق بيۋروسىنىڭ ديرەكتورى ە. جوۆتيس، كوممەرتسيالىق ەمەس قۇقىق سۇراقتارى بويىنشا ساراپشى گ. كۋجەكەەۆا، Caspian University قوعامدىق قۇقىق عزي ديرەكتورى ر. پودوپريگورا قاتىستى.

مينيستر قايىرىمدىلىق، ۆولونتەرلىك سالالارىنداعى مەملەكەتتىك شارالار تۋرالى، سونداي-اق ۇەۇ-نى مەملەكەتتىك قولداۋ تەتىكتەرىن جەتىلدىرۋ جونىندە ايتىپ بەردى.

ا.بالاەۆا قايىرىمدىلىق پەن ۆولونتەرلىكتى دامىتۋ مەن قولداۋ – ازاماتتىق قوعامدى قالىپتاستىرۋ مەن دامىتۋدىڭ نەگىزگى فاكتورلارىنىڭ ءبىرى ەكەنىن اتاپ ءوتتى.

«مەملەكەت باسشىسىنىڭ ۆولونتەر جىلىن اياقتاۋ اياسىندا بەرگەن تاپسىرمالارىن، قۇقىق قولدانۋ تاجىريبەسىن تالداۋ، حالىقارالىق تاجىريبە، سونداي-اق ۇەۇ، ۆولونتەرلىك جانە قايىرىمدىلىق ۇيىمدارىنىڭ، جۇمىس توبى مۇشەلەرىنىڭ ۇسىنىستارىن ەسكەرە وتىرىپ، مينيسترلىك ازاماتتىق قوعام وكىلدەرىمەن بىرلەسىپ، «كەيبىر زاڭنامالىق اكتىلەرگە ۆولونتەرلىك قىزمەت، قايىرىمدىلىق، مەملەكەتتىك الەۋمەتتىك تاپسىرىس جانە ۇكىمەتتىك ەمەس ۇيىمدارعا ارنالعان گرانتتار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەدى»، دەدى ا.بالاەۆا.

ول كەزدەسۋدىڭ قاتىسۋشىلارىنا زاڭ جوباسى 2021 جىلعا ارنالعان ءتيىستى جۇمىس جوسپارىنا ەنگىزىلگەنىن، اتالعان جوسپارعا سايكەس ۇكىمەتكە شىلدە ايىندا، ال ماجىلىسكە اعىمداعى جىلدىڭ قىركۇيەگىندە ەنگىزۋ جوسپارلانعانىن حابارلادى.

كەزدەسۋدىڭ قاتىسۋشىلارى مەملەكەت پەن ۇكىمەتتىك ەمەس سەكتور اراسىنداعى ءوزارا ءىس-قيمىلدى ودان ءارى دامىتۋدىڭ وزەكتىلىگىن راستادى، سونداي-اق ۇسىنىلىپ وتىرعان زاڭ جوباسىنا قاتىستى نورمالار بويىنشا ءوز ۇسىنىستارىن ايتتى.

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار