الەم • 17 مامىر، 2021

قازاقستان ەلشىسى قىرعىزستان پرەزيدەنتىنە سەنىم گراموتالارىن تاپسىردى

15 رەت كورسەتىلدى

قازاقستان رەسپۋبليكاسىنىڭ ەلشىسى ءراپىل جوشىباەۆ قىرعىز رەسپۋبليكاسىنىڭ پرەزيدەنتى سادىر جاپاروۆقا سەنىم گراموتالارىن تاپسىردى، دەپ حابارلايدى Egemen.kz.

ءراسىم بارىسىندا قىرعىزستان پرەزيدەنتى ەلشىنى قىزمەتكە تاعايىندالۋىمەن قۇتتىقتاي وتىرىپ، ونىڭ اتالعان لاۋازىمداعى الداعى جۇمىسى ەكى مەملەكەت اراسىنداعى تاتۋ كورشىلىككە نەگىزدەلگەن ءوزارا ءتيىمدى قارىم-قاتىناستاردى ودان ءارى دامىتۋعا ىقپال ەتەتىنىنە سەنىم ءبىلدىردى.

راسىمنەن كەيىن ورىن العان كەزدەسۋدە قازاقستاندىق ديپلومات ەلباسى نۇرسۇلتان نازارباەۆ قازاقستان مەن قىرعىزستان اراسىنداعى باۋىرلاستىق جانە وداقتاستىق قارىم-قاتىناستاردى ءاردايىم قولدايتىنىن، ءارى بۇل باعىتتى پرەزيدەنت قاسىم-جومارت توقاەۆ جالعاستىرعانىن باسا ايتتى.

تاراپتار ەكىجاقتى جانە كوپجاقتى فورماتتاعى ساياسي ديالوگتىڭ جوعارى دەڭگەيىن اتاپ ءوتىپ، ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق ىنتىماقتاستىقتى ارتتىرۋ مۇمكىنشىلىكتەرى بويىنشا پىكىر الماستى.

كەزدەسۋ سوڭىندا پرەزيدەنت س. جاپاروۆ ەلباسى ن. نازارباەۆ پەن پرەزيدەنت ق. توقاەۆقا ىزگى لەبىزدەرىن جەتكىزۋدى سۇرادى جانە جاڭا ەلشىگە قازاق-قىرعىز قارىم-قاتىناستارىن ودان ءارى نىعايتۋ جولىندا زور تابىستار تىلەدى.

سوڭعى جاڭالىقتار

«بارىسقا» جاڭا قاقپاشى كەلدى

حوككەي • بۇگىن، 09:18

ۇقساس جاڭالىقتار