ايماقتار • 17 مامىر، 2021

ەسىل وزەنىنە جاڭا كوپىر سالىنادى

39 رەت كورسەتىلدى

ەلوردا «نۇر-سۇلتان – جايلى قالا» ماستەر-جوسپارى اياسىندا دامىپ كەلەدى. بيىل جالپى العاندا 160 اۋلا مەن قوعامدىق كەڭىستىكتى اباتتاندىرىلادى. بۇل تۋرالى ەلوردا اكىمى التاي كولگىنوۆ Instagram پاراقشاسىندا جازدى، دەپ حابارلايدى Egemen.kz.

«قالا تۇرعىندارىنىڭ وتىنىشتەرى مەن قوعامدىق كەڭىستىكتەردىڭ (سكۆەرلەر، ساياباقتار، بۋلۆارلار) قاجەت ەكەندىگىن ەسكەرە وتىرىپ، بيىل ولاردى كەڭەيتۋ بويىنشا اۋقىمدى جۇمىستار جۇرگىزىپ كەلەمىز.

ماسەلەن، ب.مومىش ۇلى داڭعىلى بويىمەن جاعالاۋعا دەيىن جاياۋ جۇرگىنشىلەر جەلەكجولىن اباتتاندىرامىز. تولقىن ءتارىزدى اللەيا اۋماعىندا ۇستەل تەننيسى مەن شاحماتقا ارنالعان ۇستەلدەر، دەمالۋعا جانە اتكەنشەك تەبۋگە ارنالعان كولەڭكەلى ايماقتار ورناتۋدى جوسپارلاپ وتىرمىز. بۇل ترياتلون پاركىن جاڭا بورتەگۇل باعىمەن بىرىكتىرە وتىرىپ، ەكو-مارشرۋت قۇرۋعا مۇمكىندىك بەرەدى. وندا مىڭنان استام بورتەگۇل كوشەتىن وتىرعىزامىز. بورتەگۇل باقشاسى بولادى.

بىلتىر ترياتلون ساياباعىن اۋقىمدى اباتتاندىرۋدى باستادىق. وتكەن جىلى قالادا العاش رەت كوپىر الاڭدارى اباتتاندىرىلدى. سارايشىق كوشەسىندەگى كوپىردىڭ استىندا سپورتپەن اينالىسۋعا ارنالعان بىرنەشە ايماق اشىلدى، ساياباق اۋماعىندا فۋتبول الاڭدارى ورناتىلدى. بۇل كوپىر - ترياتلون مەن پرەزيدەنت ساياباعى اراسىنداعى كوپىر، ول بيىل ءوز جالعاسىن تابادى»، دەپ جازدى ەلوردا اكىمى.

قالا اكىمىنىڭ ايتۋىنشا، تۇڭعىش پرەزيدەنت ساياباعىندا كولەڭكەلى باستىرمالار، اتكەنشەكتەر، ءۇش سۋبۇرقاق، ونىڭ ىشىندە تۇماندى بۋلانۋ، ورىندىقتار جانە ت. ب. ورناتىلعان. الداعى ۋاقىتتا وزەن ارقىلى ۆەلو-جاياۋ جۇرگىنشى كوپىرىن سالۋدى جوسپارلانۋدا.

«بۇل كوپىر ەكى ساياباقتى – تۇڭعىش پرەزيدەنت ساياباعى مەن ەسىل وزەنىنىڭ بويىنداعى ساياباقتى بىرىڭعاي كلاستەرمەن بىرىكتىرۋگە مۇمكىندىك بەرەدى. وسىلايشا قالا تۇرعىندارى اۋداندار اراسىندا كەدەرگىسىز جۇرە الادى. كوپىردىڭ بويىندا دەمالىس ايماقتارىن جابدىقتايمىز، ال كوپىردىڭ ىشىنە اتكەنشەك ورناتامىز.

مەملەكەت باسشىسىنىڭ تاپسىرماسى بويىنشا قوعامدىق كەڭىستىكتەردى (ساياباقتار، سكۆەرلەر، بۋلۆارلار، باقتار) اباتتاندىرۋ كەزىندە كوگالداندىرۋعا ەرەكشە نازار اۋدارامىز، ويتكەنى بۇل - قالا دامۋىنىڭ اجىراماس بولىگى.

بيىلعى كوگالداندىرۋ جۇمىستارىنىڭ ەرەكشەلىگى اۋلالىق اۋماقتاردان، ساياباقتاردان، سكۆەرلەردەن، بۋلۆارلاردان، ەلدى مەكەندەردەن باسقا، كورىكتى جەرلەرىمىزدىڭ ىرگەلەس اۋماقتارىن كوگالداندىرۋعا كىرىسكەنىمىزدە. بۇل «بەتون ورىندار» سانىن ازايتادى. مىسالى، «استانا وپەرا» اۋماعىندا ەمەن باعى، ترياتلون ساياباعىندا بورتەگۇل باعى، ق.قۋانىشباەۆ اتىنداعى قازاق مۋزىكالىق-دراما تەاترى مەن «استانا بالەت» اۋماعىندا جاسىل باق پايدا بولماق»، دەدى التاي كولگىنوۆ.

قازىر بارلىق جەردە اعاش وتىرعىزىلۋدا. قالانىڭ بارلىق اۋداندارىن، سونىڭ ىشىندە ەلدى مەكەندەر دە بار. اعاش وتىرعىزۋعا قالا تۇرعىندارى، ەرىكتىلەر، كاسىپكەرلەر دە قاتىسۋدا. وسى جىلى 1 ملن-نان استام جاسىل جەلەك (اعاشتار، بۇتالار، كوشەتتەر جانە ت. ب.) وتىرعىزۋدى جوسپارلانعان. قازىردىڭ وزىندە قالانىڭ جاسىل تۇسكە اينالعانىن، جاڭا ەكوايماقتار مەن «جاسىل ارالدار» پايدا بولعانىن كورۋگە بولادى.

«ەگەر جىلدان-جىلعا ساپالى اعاش وتىرعىزىپ، كورسەتكىشتى تومەندەتپەسەك، ەلوردامىز ساناۋلى جىلدار ىشىندە جاسىل قالاعا اينالماق. ءبىر كەزدەرى تەك دالادان تۇرعان قالا باقشا قالاسى بولادى. بۇل ءبىزدىڭ ماقساتىمىز جانە وعان بىرگە جەتەمىز.

ەلوردانى «نۇر-سۇلتان - جايلى قالا» ماستەر-جوسپارى اياسىندا دامىتۋدامىز. وسى جىلى جالپى العاندا 160 اۋلا مەن قوعامدىق كەڭىستىكتى اباتتاندىرامىز»، دەپ جازدى ەلوردا اكىمى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار