وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ اقپاراتىنا سۇيەنسەك, وتكەن تاۋلىكتە 77 ادام ساۋىعىپ شىققان. الايدا, 77 ادام كوروناۆيرۋس ينفەكتسياسىن جۇقتىرىپ العان.
«سوڭعى تاۋلىكتە قاۋىپتى ۆيرۋس جۇقتىرعانداردىڭ اراسىندا اتىراۋ قالاسىنان 49 ادام بار. تەڭىز كەن ورنىندا 13 ناۋقاستان كوروناۆيرۋس ينفەكتسياسىنىڭ بەلگىسى راستالدى. سونداي-اق, قۇرمانعازى اۋدانىندا 5, جىلىويدا – 4, ماقاتتا – 4, يندەردە – 1, قىزىلقوعادا 1 تۇرعىننان Covid-19 ىندەتى انىقتالدى. ونىڭ ىشىندە 33 ناۋقاستا كوروناۆيرۋستىڭ سيمپتومدى ءتۇرى بايقالدى» دەپ ءمالىم ەتتى باسقارمانىڭ ءباسپاسوز قىزمەتى.
وڭىردە 638 ناۋقاستىڭ ءۇي جاعدايىندا ەمدەلىپ جاتقانى بەلگى بولدى. ال, ينفەكتسيالىق ستاتسيونارلاردا 518 ناۋقاس جاتىر. ماسەلەن, مودۋلدىك اۋرۋحانادا – 147, اتىراۋداعى №2 وبلىستىق اۋرۋحانادا – 121, اۋداندارداعى ينفەكتسيالىق ستاتسيونارلاردا – 121, فتيزيوپۋلمونولوگيالىق ورتالىقتا 53 پاتسيەنت وقشاۋلانعان.
