ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ مالىمەتىنشە, ساناقتى وتكىزۋ پروتسەسى تولىق اۆتوماتتاندىرىلىپ, وعان زاماناۋي ساندىق تەحنولوگيالار ەنگىزىلەدى.
بيىل ازاماتتارعا ساۋالناما پاراقتارىن ونلاين رەجيمدە ءوز بەتىنشە تولتىرۋ نەمەسە ءۇي-ءۇيدى ارالاۋ كەزىندە وفلاين تولتىرۋ مۇمكىندىكتەرى ۇسىنىلۋدا. 1 قىركۇيەكتەن باستاپ sanaq.gov.kz ارنايى سايتى جۇمىسىن باستايدى. مۇندا قازاقستاندىقتار 15 قازانعا دەيىن ونلاين-رەجيمدە ساناققا قاتىستى بارلىق سۇراقتارعا جاۋاپ بەرە الادى. ءداستۇرلى جالپى ارالاۋ 1-30 قازان ارالىعىندا جۇرگىزىلەدى جانە ول بەلگىلەنگەن مەرزىم ىشىندە ساناقتان ونلاين-رەجيمدە وتپەگەن رەسپوندەنتتەر اراسىندا جۇرگىزىلەتىن بولادى.
