يندەر اۋدانىنىڭ اكىمى مەيىرىم قالاۋيدىڭ ءمالىم ەتۋىنشە, بىلتىر ورلىك اۋىلىندا جاڭا نىساننىڭ قۇرىلىسى باستالعان ەكەن. ەكى قاباتتى سپورت كەشەنىنىڭ جالپى اۋدانى – 896,2 شارشى مەتر.
«ەل تاۋەلسىزدىگىنىڭ 30 جىلدىق مەرەيتويى قارساڭىندا اشىلعان بۇل نىسان بۇقارالىق سپورتتى دامىتىپ, سالاماتتى ءومىر سالتىن قالىپتاستىرۋ ماقساتىن كوزدەيدى. زاماناۋي ستاندارتقا ساي سالىنعان سپورت كەشەنى قاجەتتى قۇرال-جابدىقتارمەن تولىق جابدىقتالدى. مۇندا ءبىر مەزگىلدە 300 ءجاسوسپىرىمنىڭ سپورتتىڭ 5 تۇرىمەن, اتاپ ايتقاندا, دزيۋدو, قازاق كۇرەسى, باسكەتبول, ۆولەيبول, جەڭىل اتلەتيكامەن اينالىسۋىنا بارىنشا جاعداي جاسالدى. سپورت كەشەنىنىڭ جانىندا فۋتبول الاڭى بار», دەيدى اۋدانى اكىمى مەيىرىم قالاۋي.
اۋىلدىڭ سپورتقا بەيىم جاس ورەندەرىن الداعى قىركۇيەكتە جاڭا كەشەنىندە سپورتپەن اينالىسا باستايدى.
