ايماقتار • 15 مامىر، 2021

تالدىقورعاندىق پوليتسەيلەرگە پىكىر جازعانى ءۇشىن 20 تاۋلىككە قامالدى

38 رەت كورسەتىلدى

الماتى وبلىسى ورتالىعىنىڭ تۇرعىنى پوليتسەيلەرگە جالا جاپقانى ءۇشىن 20 تاۋلىككە اكىمشىلىك قاماۋعا الىندى، دەپ حابارلايدى Egemen.kz الماتى وبلىسى پد ءباسپاسوز قىزمەتىنە سىلتەمە جاساپ.

13 مامىردا تالدىقورعان قالاسىنىڭ مامانداندىرىلعان اۋدانارالىق اكىمشىلىك سوتى جەلىدە «Taldykorgan-Police» پاراقشاسىندا پاترۋلدىك پوليتسيا قىزمەتكەرلەرىنە اشىق جالا جاۋىپ، ولاردىڭ ار-نامىسى مەن قادىر-قاسيەتىنە نۇقسان كەلتىرەتىن جالعان مالىمەتتەر تاراتقان 48 جاستاعى «hudojnik tdk» پاراقشاسىنىڭ يەسى، تالدىقورعان تۇرعىنىن 20 تاۋلىككە اكىمشىلىك قاماۋعا الۋ تۋرالى قاۋلى شىعاردى.

«2021 جىلدىڭ 27 ساۋىرىندە جبو-دان پاترۋلدىك پوليتسەيلەرگە تالدىقورعان قالاسىندا كامەلەتكە تولماعان بالا Toyota Land Cruiser اۆتوكولىگىن باسقارىپ، جول قوزعالىسى ەرەجەلەرىن بۇزعانى تۋرالى اقپاراتتى تەكسەرۋ تۋرالى نۇسقاۋ كەلىپ ءتۇستى. اقپارات راستالىپ، كولىك يەسى ۇستالدى. ءتارتىپ ساقشىلارى كامەلەتكە تولماعان قۇقىقبۇزۋشىنىڭ كىم ەكەنىن انىقتاپ، كولىكتى ايىپ تۇراعىنا قويدى. اكىمشىلىك حاتتاما تولتىرىپ، ۇستالعان بالا اتا-اناسىنا تابىستالدى. الايدا، بۇل دەرەك تۋرالى وقىعاننان كەيىن، سوت كىنالى دەپ تانىعان ەر ادام قۇقىق قورعاۋ ورگاندارىنا جالا جاۋىپ، كوپشىلىك الدىندا ءوزىنىڭ تەرىس كوزقاراسىن ءبىلدىردى»، دەيدى پوليتسەيلەر.

مۇنى مونيتورينگ بارىسىندا انىقتاعان پوليتسەيلەر ماتەريال جيناپ، قر اقبتك-ءنىڭ 73-3-بابى 2-بولىگى بويىنشا اكىمشىلىك قۇقىق بۇزۋشىلىق تۋرالى حاتتاما راسىمدەپ، سوتقا جىبەردى.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار