قوعام • 15 مامىر، 2021

كوكشەتاۋ پوليتسەيلەرى جوعالعان مۇعالىمدى قاڭعىباستار اراسىنان تاپتى

113 رەت كورسەتىلدى

اقمولا پوليتسەيلەرى جوعالعان مۇعالىمدى كوكشەتاۋ قالاسىنىڭ قاراۋسىز قالعان ورىندارىنىڭ بىرىنەن بەلگىلى تۇراعى جوق ادامدار اراسىنان تاپتى، دەپ حابارلايدى Egemen.kz وبلىستىق پد سىلتەمە جاساپ.

پوليتسيا دەپارتامەنتىنىڭ  مالىمەتىنشە، اقمولالىق پوليتسەيلەر سولتۇستىك قازاقستاننان كوكشەتاۋعا كەلىپ، جوعالىپ كەتكەن 32 جاستاعى مۇعالىمنىڭ تۇرعان جەرىن انىقتادى.

«ول كوكشەتاۋ قالاسىنداعى قاراۋسىز قالعان جەرلەردىڭ بىرىنەن تابىلدى. وندا ول بەلگىلى ءبىر تۇرعىلىقتى جەرى جوق ادامدار اراسىندا تۇنەپ شىقتى. ەر ادام بۇل ارەكەتىن ءتۇسىندىرىپ بەرە المادى. وعان قاتىستى قانداي دا ءبىر قىلمىس پەن قۇقىق بۇزۋشىلىق جاسالماعانى انىقتالدى»، دەپ اتاپ ءوتتى ۆەدومستۆو وكىلى.

پوليتسەيلەر تەك جىل باسىنان بەرى اقمولا وبلىسىندا 33 ادام جوعالىپ كەتكەنىن، ونىڭ 26-سى ىزدەستىرىلگەنىن ايتتى. جالپى وبلىس اۋماعىندا 30 ادام ىزدەستىرىلۋدە. بۇعان ەرىكتىلەر مەن جەرگىلىكتى تۇرعىندار جان-جاقتى كومەك كورسەتىپ وتىر.

ايتا كەتەيىك، وسىدان 5 كۇن بۇرىن ساعات 17:17 كەزىندە كوكشەتاۋ قالالىق پوليتسيا باسقارماسىنىڭ كەزەكشى بولىمىنە سقو اۋىلدارىنىڭ بىرىنەن 53 جاستاعى تۇرعىن حابارلاسىپ، كوكشەتاۋ قالاسىنا كەتكەن 32 جاستاعى ۇلىن ىزدەۋگە كومەك سۇراعان ەدى.

سوڭعى جاڭالىقتار

«بارىسقا» جاڭا قاقپاشى كەلدى

حوككەي • بۇگىن، 09:18

COVID-19: بوساڭسۋعا بولمايدى

الەم • بۇگىن، 08:51

تىلگە قۇرمەت – ەلگە قۇرمەت

قازاقستان • بۇگىن، 08:48

ايمانوۆتىڭ مۋرالى اشىلدى

ايماقتار • بۇگىن، 08:41

ۇقساس جاڭالىقتار