«كاسىپورىندارعا جۇرگىزىلگەن مونيتورينگ ناتيجەلەرىنە سۇيەنسەك, ناقتى سەكتوردا ەكونوميكالىق بەلسەندىلىكتىڭ قالپىنا كەلە باستاعانىن بايقاۋعا بولادى. وعان دايىن ونىمگە دەگەن سۇرانىستىڭ ارتۋى, تابىستى ساۋدا, ينۆەستيتسيالىق بەلسەندىلىكتىڭ ءبىرشاما ءوسۋى, سونداي-اق ايىرباس باعامىنىڭ كەرى اسەرىنىڭ تومەندەۋى تۇرتكى بولدى. 2021 جىلدىڭ ءى توقسانىندا ناقتى سەكتوردا دايىن ونىمگە سۇرانىس ايتارلىقتاي وسكەنىن كوردىك, ديففۋزيا يندەكسى (DI) 49,3-تەن 55,4-كە دەيىن ءوستى. قىزمەت كورسەتۋ سالاسىندا يندەكس 53,8-گە, تاۋار وندىرىسىندە 56,8-گە دەيىن كوتەرىلدى», دەدى ول.
ءوندىرىس كولەمى ازايدى, دي 49,4-تەن 40,5-كە دەيىن تومەندەدى. 2021 جىلدىڭ ءىى توقسانىندا ناقتى سەكتورداعى كاسىپورىندار ءوندىرىس كولەمىنىڭ ماۋسىمدىق ۇلعايۋىن كۇتىپ وتىر (دي=54,8).
«سونىمەن, 2020 جىلعى توقىراۋدان كەيىن ەكونوميكالىق بەلسەندىلىكتىڭ قالپىنا كەلۋىنە بايلانىستى كاسىپورىنداردىڭ دايىن ونىمىنە جانە قىزمەتىنە دەگەن سۇرانىس ءوسىپ, ءوندىرىس كولەمىنەن ارتىپ وتىر, بۇل ءوز كەزەگىندە ءونىم باعاسىنىڭ وسۋىنە ىقپال ەتۋدە (دي 56,4 قۇرادى). 2021 جىلدىڭ ءى توقسانىندا سۇرالعان كاسىپورىنداردىڭ 16,9%-ى نەسيە الۋ ءۇشىن بانككە جۇگىندى, كاسىپورىنداردىڭ 16,1%-ى نەسيە الدى (نەمەسە نەسيە الۋعا ءوتىنىم بەرگەندەر سانىنىڭ 95,3%-ى). كاسىپورىنداردىڭ باسىم كوپشىلىگى (81,7%) نەسيەنى اينالىمداعى اقشالارىن (ماتەريالدار, شيكىزات, جارتىلاي فابريكاتتار جانە ت.ب. ساتىپ الۋ) قارجىلاندىرۋعا تارتتى», دەيدى مامان.
2021 جىلدىڭ ءى توقسانىندا جۇرىزىلگەن ساۋالناما كەزىندە كاسىپورىنداردىڭ 33,9%-ى قازاقستان ەكونوميكاسىنىڭ بۇگىنگى احۋالى بيزنەس جۇرگىزۋگە كەدەرگى بولعانىن ايتتى. بيزنەس جۇرگىزۋدەگى باسقا دا نەگىزگى كەدەرگىلەردى اتاساق, ولار – نارىقتىق باسەكەلەستىك (29,7%), ساتىپ الۋشىلاردى ىزدەۋ (23,3%), سالىق اۋىرتپالىعىنىڭ دەڭگەيى (23,2%), بىلىكتى كادرلاردىڭ جەتىسپەۋشىلىگى (17,2%).
ناقتى سەكتورداعى كاسىپورىنداردا جۇرگىزىلگەن ساۋالنامالاردىڭ جيىنتىق باعاسىن بىلدىرەتىن كومپوزيتتىك وزىڭقى ينديكاتوردىڭ (كوي) سەرپىنى – ناقتى سەكتوردا ەكونوميكالىق بەلسەندىلىكتىڭ قالپىنا كەلە باستاعانىن كورسەتەدى, ءسويتىپ كوي 100,0-گە دەيىن كوتەرىلدى. 2021 جىلدىڭ ءىى توقسانىندا ەكونوميكالىق بەلسەندىلىك وسەدى دەگەن بولجام بار (كوي ءوسۋ جاعىنا اۋىسىپ, 100,4 قۇرادى).
