ەرلان اسىلبەك ۇلى 1983 جىلى قىزىلوردا قالاسىندا تۋعان. ءبىلىمى جوعارى. قورقىت اتا اتىنداعى قىزىلوردا مەملەكەتتىك ۋنيۆەرسيتەتىن ەكونوميست-مەنەدجەر ماماندىعىمەن, قر پرەزيدەنتى جانىنداعى مەملەكەتتىك باسقارۋ اكادەمياسىن, ۇلتتىق مەملەكەتتىك ساياسات مەكتەبىن, سونداي-اق اقش-تاعى ديۋك ۋنيۆەرسيتەتىن بىتىرگەن.
ەڭبەك جولىن قىزىلوردا وبلىسى بويىنشا ستاتيستيكا دەپارتامەنتىندە باستاپ, 2004-2006 جىلدارى ەكونوميست, مامان, جەتەكشى مامان, ءبولىم باسشىسى بولىپ جۇمىس ىستەدى. ال, 2007-2008 جىلدارى قىزىلوردا وبلىسىنىڭ قارجى باسقارماسىندا ءتۇرلى لاۋازىمدى اتقاردى.
2008-2010 جىلدارى قىزىلوردا قالاسى اكىمى اپپاراتىنىڭ ەكونوميكالىق تالداۋ جانە قالا قۇرىلىمىن دامىتۋ ءبولىمىنىڭ باسشىسى, 2010-2012 جىلدارى جالاعاش اۋدانى اكىمىنىڭ اپپاراتىنىڭ جەتەكشىسى بولعان. 2012-2013 جىلدارى سولتۇستىك قازاقستان وبلىستىق كاسىپكەرلىك جانە ونەركاسىپ باسقارماسى باسشىسىنىڭ ورىنباسارى, 2013-2015 جىلدارى قىزىلوردا وبلىستىق سىرتقى بايلانىستار باسقارماسىنىڭ, 2015 جىلى قر پرەزيدەنتىنىڭ «بايقوڭىر» كەشەنىندەگى ارنايى وكىلىنىڭ قىزمەتىن قامتاماسىز ەتۋ باسقارماسىنىڭ باسشىسى بولىپ جۇمىس ىستەدى.
2017-2019 جىلدارى اقتوبە وبلىستىق يندۋستريالدى-يننوۆاتسيالىق دامۋ باسقارماسىنا, 2019-2020 جىلدارى اقتوبە وبلىستىق كاسىپكەرلىك باسقارماسىنا باسشىلىق جاسادى.
قازىرگى لاۋازىمعا تاعايىندالعانعا دەيىن بيزنەس-قۇرىلىمداردا باسشىلىق قىزمەت ەتتى.
