قازاقستان • 14 مامىر، 2021

قازاقستاندا دايىن قۇجاتتاردى ۇيگە جەتكىزۋ قىزمەتى ىسكە قوسىلدى

16 رەت كورسەتىلدى

«ازاماتتارعا ارنالعان ۇكىمەت» تۇتىنۋشىنىڭ ۇيىنە دەيىن دايىن قۇجاتتاردى جەتكىزۋ قىزمەتىن ىسكە قوستى، دەپ حابارلايدى Egemen.kz.

وعان 144 مەملەكەتتىك قىزمەت قوسىلدى، ونىڭ ىشىندە جىلجىمايتىن م ۇلىككە قۇقىقتاردى (اۋىرتپالىقتاردى) مەملەكەتتىك تىركەۋ، جەر ۋچاسكەلەرىنىڭ اكتىلەرى، ءبىلىم تۋرالى قۇجاتتاردى اپوستيلدەۋ، مۇراعات انىقتامالارى، اسكەري بيلەتتەردىڭ تەلنۇسقالارىن بەرۋ جانە باسقالار بار.

جاقىن ارادا جۇرگىزۋشى كۋالىگىن، جەكە كۋالىكتەردى، پاسپورتتاردى جانە باسقا دا قۇجاتتاردى ۇيگە دەيىن تاپسىرىسپەن جەتكىزۋ قىزمەتتەرى قولجەتىمدى بولادى. قۇجاتتار دايىن بولعاننان كەيىن كليەنتتىڭ قاجەتتى مەكەنجايىنا قۇجاتتاردى جەتكىزۋدى راسىمدەۋدى ۇسىناتىن ۆەب-سىلتەمەسى بار SMS-حابارلاما جولدانادى. قىزمەت اقىلى، قالا بويىنشا جەتكىزۋ قۇنى – 970 تەڭگە.

ء«بىز قازاقستاندىقتار ءۇشىن مەملەكەتتىك قىزمەتتەردى الۋ كەزىندە بارىنشا قولايلى جاعداي جاساۋعا تىرىسامىز. قۇجاتتاردى ۇيگە جەتكىزۋ سەرۆيسىن وتكەن جىلى سىناي باستادىق جانە بىرتىندەپ ونى جەتىلدىرىپ كەلەمىز. بۇل ءبىزدىڭ كليەنتتەرىمىزدىڭ مەملەكەتتىك قىزمەتتەردى الۋ بارىسىن جەڭىلدەتىپ، ولاردىڭ قارجىسى مەن ۋاقىتىن ايتارلىقتاي ۇنەمدەيدى. بۇگىندە سەرۆيس الماتىلىقتار مەن ەلوردا تۇرعىندارى ءۇشىن قولجەتىمدى، جاقىن ارادا سەرۆيستى وزگە قالا تۇرعىندارى دا پايدالانا الاتىن بولادى»، دەدى «ازاماتتارعا ارنالعان ۇكىمەتتىڭ» باسقارما توراعاسى ءادىل قوجىقوۆ.

قۇجاتتاردى جەتكىزۋ بويىنشا پيلوتتىق جوبا ءبىر اي بۇرىن استانالىق حقو-لاردىڭ بىرىندە ىسكە قوسىلدى، وندا سەرىكتەس كۋرەرلىك قىزمەت ارقىلى 50-دەن استام قۇجات جەتكىزىلدى. 2020 جىلدىڭ قازان ايىندا ەgov.kz ەلەكتروندىق ۇكىمەت پورتالىندا وسىعان ۇقساس قىزمەت پايدا بولدى، ول كەزدە اۆتوكولىكتەردىڭ مەملەكەتتىك نومىرلەرى مەن دايىن تەحپاسپورتتارىن ۇيگە جەتكىزۋ سەرۆيسى ىسكە قوسىلدى.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار