قوعام • 14 مامىر، 2021

قازاقستاندا 8 مىڭنان استام تەمىرجولشى ۆاكتسينا سالدىردى

27 رەت كورسەتىلدى

ەلىمىزدە 8 مىڭنان استام تەمىرجولشى كوروناۆيرۋسقا قارسى ۆاكتسينا الدى، دەپ حابارلايدى Egemen.kz.

ۇلتتىق كومپانيانىڭ مالىمەتىنشە، 13 مامىرداعى جاعداي بويىنشا «قتج» ۇك» اق-دا سەگىز مىڭنان استام قىزمەتكەر COVID-19-عا قارسى ەكپە العان.

«ەكپە قابىلداۋ قارقىنى بويىنشا «قتج-جۇك تاسىمالى» جشس قىزمەتكەرلەرى الدىڭعى قاتاردا، ول مەكەمەدە 3 800-دەن استام جۇمىسشى ۆاكتسينا الدى. ماگيسترالدىق جەلى ديرەكتسياسىندا 2،5 مىڭنان استام ادام، «جولاۋشىلار تاسىمالى» اق 600-گە جۋىق قىزمەتكەر ۆاكتسيناتسيادان ءوتتى»، دەلىنگەن حابارلامادا.

ەڭ بەلسەندى ۆاكتسيناتسيالاۋ كومپانيانىڭ اقتوبە وبلىسى، نۇر-سۇلتان جانە شىمكەنت قالاسىنداعى مەكەمەلەرىندە جۇرگىزىلىپ جاتىر. وسى ايماقتارداعى ۇلتتىق كومپانيا قۇرىلىمدىق بولىمشەلەرىندە جۇمىس ىستەيتىن مىڭنان استام تەمىرجولشى ۆاكتسينانىڭ كەم دەگەندە ءبىر دوزاسىن العان.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار