وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى 12 مامىر كۇنى 36 جاستاعى ايەلدىڭ 60 دانا ترامادول, 19 دانا تراپيكامەد ءدارى-دارمەكتەرىن زاڭسىز ساتىپ جۇرگەنىن انىقتاعان.
«قازىر اتالعان ايەلگە قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 426-بابىمەن «فارماتسەۆتيكالىق قىزمەتتىڭ جانە دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكالىق اينالىسى سالاسىنىڭ قاعيدالارىن بۇزۋ» دەرەگىمەن مەديتسينالىق جانە فارماتسەۆتيكالىق باقىلاۋ كوميتەتىنىڭ اتىراۋ وبلىسى بويىنشا دەپارتامەنتىنە شەشىم قابىلداۋ ءۇشىن ءىس-قۇجاتتار جولداندى», دەپ حابارلادى دەپارتامەنتتىڭ ءباسپاسوز قىزمەتى.
