وسىلايشا, بالەت ترۋپپاسىنىڭ ءسوليسى, ايگىلى IBBC سىيلىعىنىڭ لاۋرەاتى دالەر زاپاروۆ حح عاسىردىڭ اڭىزعا اينالعان بالەتمەيستەرى ر.پەتيدىڭ حورەوگرافياسىنداعى ج.بيزەنىڭ مۋزىكاسىنا «كارمەن» بالەتىنەن دۋەتتە ساحنا تورىنە العاش رەت شىعادى. وسى كەشتە ونىڭ ساحناداعى ارىپتەسى قازاقستاننىڭ ەڭبەك سىڭىرگەن قايراتكەرى گاۋحار ۋسينا بولماق. ەسكە سالار بولساق, اتاقتى حورەوگراف رولان پەتي وسىناۋ دۋەتتى ءوزىنىڭ جۇبايى, تانىمال بالەرينا زيزي جانمەرگە ارناپ قويعان. ءنومىردىڭ نەگىزگى تاقىرىبى – جالىن اتقان كارمەن مەن ەرجۇرەك دون حوزەنىڭ قۇشتارلىققا تولى ماحابباتى.
اناستاسيا زاكلينسكايانىڭ دەبيۋتى باعدارلامانىڭ تاعى ءبىر جاڭالىعى بولماق. «استانا وپەرانىڭ» ءسوليسى, ا.يا.ۆاگانوۆا اتىنداعى ورىس بالەت اكالەمياسىنىڭ 2013 جىلعى تۇلەگى ف.شوپەننىڭ مۋزىكاسىنا قويىلعان م.فوكيننىڭ «شوپەنيانا» بالەتىنەن اتاقتى جەتىنشى ۆالستە العاش رەت ونەر كورسەتەدى. وعان كوپ جىلدار بويى باۆاريا ۇلتتىق تەاترىندا ەڭبەك ەتكەن حالىقارالىق بايقاۋلاردىڭ لاۋرەاتى ولجاس تارلانوۆ جۇپ بولادى.
وتكەن عاسىردىڭ باسىندا پاريجدە ۇسىنىلعان «شوپەنيانا» بالەتى – رومانتي-
كالىق تاقىرىپقا اسەم ستيلدەۋ, بىراق شوپەننىڭ ءدال وسى جەتىنشى ءۆالسى گالا باعدارلاماعا تۇتاستاي جارقىن جەڭىلدىك بەرىپ, كورەرمەندى م.پەتيپانىڭ حورەوگرافياسىنداعى ل.مينكۋستىڭ «بايادەركا» بالەتىنەن كولەڭكەلەر كورىنىسى ۇسىنىلاتىن ەكىنشى بولىمگە اقىرىنداپ جەتەلەيدى.
ونى قازاقستاننىڭ ەڭبەك سىڭىرگەن قايراتكەرلەرى, تەاتر پريماسى مەن پرەمەرى ايگەرىم بەكەتاەۆا مەن باقتيار ادامجان بالەت ارتىستەرىمەن بىرگە ورىندايدى. «بايادەركاداعى» كولەڭكەلەر كورىنىسىن «بالەتتەگى بالەت» دەپ تە اتايدى. بۇل ءبيدىڭ قيمىلعا تولى ايرىقشا اسەرى ءاردايىم كورەرمەننىڭ قوشەمەتىن تۋدىرادى: بالەريانالاردىڭ ناقتى ءارى ايقىن تىزبەكتەلگەن قاتارى, قيمىل قوزعالىستارىنىڭ ۇيلەسىمدىگى ەشكىمدى بەيجاي قالدىرمايدى.
ساحنا تورىندە قازاقستاننىڭ ەڭبەك سىڭىرگەن قايراتكەرى انەل رۇستەموۆا, قازاقستاننىڭ ەڭبەك سىڭىرگەن قايراتكەرى ەركىن راحماتۋللاەۆ, ارمان ۋرازوۆ, شۇعىلا ادەپحان, ادەلينا تولەپوۆا, جانىبەك احمەديەۆ, نۇ-راي نۇرسافينا, دياس قۇرمانعازى, جانسەرىك احمەتوۆ, نازيرا زاەتوۆا, قۋات كارىباەۆ جانە باسقالار كلاسسيكالىق, نەوكلاسسيكالىق جانە زاماناۋي قويىلىمداردىڭ سان الۋان ۇزىندىلەرىنەن تۇراتىن ناعىز وتشاشۋ جاسايدى.
«ەگەمەن-اقپارات»
