ايماقتار • 14 مامىر، 2021

قوي باققان وزار...

219 رەت كورسەتىلدى

جەرگە جارىق تۇسە سالا الپىس شاقتى قويىن الدىنا سالعان ساكەن اۋىلدىڭ ءبۇيىر تۇسىنداعى توبەگە قاراي بەتتەيدى. مال ورىستەتەتىندەي جازيرالى جا­­يىلىم جوق مۇندا. گلۋبوكوە كەنتىنىڭ جان-جاعى تۇگەل ەگىستىك. امالداپ جازداي جايىپ شىقسا، قىستاي قورادا تۇرادى. «مال وسىرسەڭ قوي ءوسىر، ءونىمى ونىڭ كول-كوسىر» دەگەن ءتامسىلدى ۇران ەتكەن ساكەن پازىلوۆ وتكەن ايدا «ەڭبەك» باعدارلاماسى ارقىلى 64 باس قوي ساتىپ العان. سوناۋ بەسقاراعايدان جەتكىزگەن تۇياقتىلار تولدەپ، قورا جاعى ازان-قازان.

جۇمىس جوق دەپ جامباستاپ جاتقان زىڭگىتتەي جىگىتتەر قانشاما؟ قول-اياعى بال­عا­داي بولا تۇرا، كەجەگەسى كەيىن تارتىپ تۇرا­تىنداردى كورىپ ءجۇرمىز. كەرىسىنشە، قويىن قوزداتىپ، بوتاسىن بوزداتىپ وتىرعاندار دا جەتەرلىك. وتكەن جىلدارى بيە ساۋىپ، قىمىز ءپىسىپ جۇرگەن كىشى سى­نىپ­تىڭ وقۋشىسىن كورىپ تاڭعال­عا­نى­مىز بار. ءبارى سونداي ەتى ءتىرى بولسايشى دەگەمىز ىشتەي. ءيا، قول-اياعىڭ ساۋ بولسا، ناپاقا تابۋدىڭ جولدارى كوپ. مەملەكەتتىڭ جاساپ وتىرعان مۇمكىندىگى دە زور. تەك پايدا­لا­نا ءبىل.

ساكەن شارۋاشىلىقپەن اينالىسۋدى بىلتىردان بەرى ويلاپ، جوسپارلاپ جۇرگەن. ويتكەنى نارىقتا مالدىڭ قۇنى بار. كۇيىن كەلتىرىپ باقساڭ ۇتىلمايسىڭ. قارا بازارداعى ەتتىڭ ءوزى قىمباتتاماسا، ار­زانداپ تۇرعانى شامالى. بۇعان دەيىن الىس-جاقىن قالالارعا، شەتەلگە جۇك تاسۋمەن اينالىسىپ جۇرگەن ساكەنگە تامىر-تانىس شارۋالار مال باعۋدىڭ اناعۇرلىم تيىمدىلىگىن ايتىپ، تۇسىندىرگەن. ولاردىڭ ايتقانى اقىلعا قونىمدى بولعان سوڭ ساكەن ساتتار ۇلى مەملەكەتتىڭ ۇسىنىپ وتىرعان باعدارلامالارىن زەرتتەگەن، زەردەلەگەن. ءوزىنىڭ اينالىسىپ جۇرگەن كاسىبىمەن سالىستىرعان. الايدا جۇك تاسىمالداۋمەن وتباسىن اسىراۋ قيىنداۋ ەدى. سەبەبى تاپسىرىس بىردە بار، بىردە جوق. ەگەر مال باقسا، كىرىس ەسەلەنەر مە ەدى. ءبىر شەشىمگە كەلىپ، نەسيە الا سالايىن دەسە، كاران­تيندىك شەكتەۋ شارالارى ەداۋىر كەدەر­گى كەلتىرىپتى. امبە، باعدارلاما ارقى­لى نەسيە راسىمدەۋ دە ءبىر كۇندىك شارۋا ەمەس-ءتى. حالىققا قىزمەت كورسەتۋ ورتا­لى­عىنان جيناۋعا ءتيىس قۇجاتتاردان بولەك كە­پىلگە قوياتىنداي قوزعالمايتىن م ۇلىك بولۋى شارت.

كاسىپ كوزىن ابدەن زەرتتەگەن ساكەن پازىلوۆ كوكتەم شىعىپ، جەر اياعى كەڭىگەن سوڭ اۋىل شارۋاشىلىعىن قارجىلاي قولداۋ قورىنان «ەڭبەك» باعدارلاماسى بويىنشا نەسيە الۋعا شىنداپ كىرىسكەن. قوردىڭ ۇسىنىپ وتىرعان نەسيەسى ءتيىم­دى، بار-جوعى التى-اق پايىز. ونىڭ ۇستىنە قارىز اقشا قولعا تيە سالا تولەم جۇر­گىز­بەيدى. كاسىبىن دوڭگەلەتىپ العان سوڭ بەلگىلى مەرزىم ىشىندە پايىزىن جابادى. سودان كەيىن عانا اي سايىن نەگىزگى قارىزىن تو­لەي­دى. وسى ۋاقىتتىڭ ىشىندە العان الپىس قوي قوزداپ، ەكى ەسە كوبەيىپ تە قويادى. دەمەك نەسيە العان حالىق پايىزدان دا ۇتىل­مايدى. كەرىسىنشە، تاپتىرماس مۇم­كىن­دىك بۇل.

– شارۋاسىن شالقىتىپ وتىرعان تانى­سىممەن سويلەسىپ ەدىم، «ەڭبەك» باعدار­لا­ماسى ارقىلى نەسيە الۋ ءتيىمدى ەكە­نىن ايتتى. ءوزىمنىڭ اينالىسىپ جۇرگەن جۇ­مى­سىم جاز، كۇز ايلارىندا عانا ءتيىمدى. قىس­تاي جۇمىس بولماي قالادى. سودان «باستاۋ بيزنەس» جوباسى ارقىلى كۋرستان ءوتتىم، قاجەتتى قۇجاتتارىمدى جيناستىردىم. ءۇيدى كەپىلدىككە قويىپ، نەسيەگە قول جەت­كىزدىم. ماقساتىم قوي ءوسىرۋ ەدى. ءسويتىپ بەس­قاراعاي اۋدانىنان 64 باس قوي الىپ كەلدىم، – دەيدى شاعىن كاسىبىن باستاعان ساكەن ساتتار ۇلى.

«اۋىل شارۋاشىلىعىن قارجىلاي قول­داۋ قورى» اق شىعىس قازاقستان في­ليالى­نىڭ ديرەكتورى ارمان راۋىل­بە­كوۆ­تىڭ ايتۋىنشا، نەسيە «ەڭبەك» باع­دار­لا­ما­سىنىڭ قاتىسۋشىلارىنا بەرىلەدى. ەگەر ءىرى قارا، قوي، قۇس وسىرەمىن دەگەن ەل بولسا، اتالعان قوردىڭ قولداۋى زور. ارا مەن بالىق شارۋاشىلىعىن قولعا السا­ڭىز دا نەسيە بەرىلەدى. ايتا كەتەرلىگى، از قامتىلعان نەمەسە كوپ بالالى وت­با­سى­­­لارىنا بەرىلەتىن نەسيەگە 4 پايىز­بەن عانا ۇسىنىلادى. البەتتە قولىندا جۇ­مىس­پەن قامتۋ ورتالىعىنىڭ جولداما­سى مەن كەپىلگە قوياتىنداي ءۇي-جايى بولۋى كەرەك. نەسيەنى العان سوڭ ءۇش اي ىشىندە قارجىنى ماقساتتى تۇردە جۇم­ساپ جاتقاندىعىڭىزدى دالەلدەپ، اۋىل شارۋاشىلىعىن قارجىلاي قولداۋ قورى في­ليالىنا ەسەپ بەرۋ قاجەت. ەگەر دە قار­جى ماقساتىنا قاراي جۇمسالماسا، ايىپ­پۇل سالىنادى.

حالىقتىڭ قالتاسى ءۇشىن ءتيىمدى نەسيەنى اسىرەسە، زايسان، ۇلان، تارباعاتاي سىندى اۋدانداردىڭ تۇرعىندارى الىپ جاتىر.

– جەر، قوراجاي بولسا، مەملەكەتتىك «ەڭبەك» باعدارلاماسىنىڭ تيىمدىلىگىن كورىپ وتىرمىز. العانىم – 4 ملن تەڭگە. اماندىق بولسا، پايىزىن تولدەرى-اق جاۋىپ كەتەدى. تەك ەڭبەكتەنۋ كەرەك. ۇلىم دا قول­­عابىس ەتەدى. كەشە عانا تومسكىگە جۇك اپا­رىپ كەلدى. نەمەرەلەرىم ءوسىپ كەلەدى. ءبارىن كيىندىرىپ، ەل قاتارلى جەتكىزۋىمىز كەرەك. كاسىپ اشۋعا مول مۇمكىندىك جاساپ وتىر­عان مەملەكەتكە ريزامىن. بار باع­دار­لا­مانى پايدالانا بىلسەك بولعانى، – دەگەن ساكەن قويىن قايىرىپ كەلۋگە جينالعان.

گلۋبوكوە اۋدانىندا جايىلىم تارلاۋ بول­عاندىقتان، ورگىزىپ قويىپ جاتۋعا بولمايدى. كوز الماي قاداعالاپ ءجۇرۋ كەرەك. قويشىعا قوسۋ دا ءتيىمسىز. باقتاشىعا ايىنا ءبىر باس ءۇشىن 1000 تەڭگە تولەۋ كەرەك. ال ساكەن ايىنا الپىس مىڭداپ مالشىعا تولەسە، ءوزى ءۇشىن ءتيىمسىز بولماق. بەس اي باعاتىن بولسا، 300 مىڭ تەڭگە شىعىن. ال اۋىل تۇرعىنى ءۇشىن بۇل وتە قوماقتى قار­جى. ساكەن تۇسكە دەيىن اۋىل ىرگەسىنە جايا­دى دا، كولەڭكەگە جۋساعان ۋاقىتتا ۇيى­نە كەلىپ، باقشاسىندا جەمىس-جيدەگىن سۋا­رادى. كۇنۇزاق ءبىر مينۋتقا تىنىم تاپ­پاي­تىن ول شارۋاشىلىققا ءبىرجولا بەت بۇرماق. باعىپ وتىرعان قوي سانى ءوسىپ، پايدا اكەلە باستاسا، ءىرى قارا اسىراۋ دا جوسپارىندا بار.

 

شىعىس قازاقستان وبلىسى،

گلۋبوكوە اۋدانى

سوڭعى جاڭالىقتار

«بارىسقا» جاڭا قاقپاشى كەلدى

حوككەي • بۇگىن، 09:18

COVID-19: بوساڭسۋعا بولمايدى

الەم • بۇگىن، 08:51

ۇقساس جاڭالىقتار