ەلوردا • 13 مامىر، 2021

ەلوردادا 3 مىڭنان اسا ۇكىمەتتىك ەمەس ۇيىم تىركەلگەن

60 رەت كورسەتىلدى

نۇر-سۇلتان قالاسىنىڭ ازاماتتىق باستامالاردى قولداۋ ورتالىعى ۇەۇ جۇمىسىنىڭ ساپاسىن جاقسارتۋ جانە دامىتۋ، سايكەسىنشە ازاماتتىق بەلسەندىلىكتى ارتتىرۋ جانە الەۋمەتتىك شيەلەنىستى تومەندەتۋ ماقساتىندا قۇرىلدى، دەپ حابارلايدى Egemen.kz  قالا اكىمدىگىنىڭ ءباسپاسوز قىزمەتىنە سىلتەمە جاساپ.

بۇگىنگى تاڭدا نۇر-سۇلتاندا 3 104 ۇكىمەتتىك ەمەس ۇيىم تىركەلگەن، بۇل قازاقستانداعى ۇەۇ جالپى سانىنىڭ 13،4%-ىن قۇرايدى. جالپىن سانى – 22 344. ونىڭ ىشىندە «زاڭدى تۇلعالار بىرلەستىگى» قۇقىقتىق مارتەبەسىنە 456 ۇيىم يە، قوعامدىق بىرلەستىكتەر – 1338، مەكەمەلەر – 256 جانە قورلار – 1054. ەلوردانىڭ بەلسەندى ۇكىمەتتىك ەمەس ۇيىمدارىنىڭ تىزىمىنە 1084 ۇەۇ كىرەدى (2018 جىلى – 243، 2019 جىلى – 471).

ەلوردا اكىمدىگىنىڭ مەملەكەتتىك الەۋمەتتىك تاپسىرىسى اياسىندا قالادا ۇكىمەتتىك ەمەس سەكتوردىڭ جۇمىسىن شوعىرلاندىرۋعا باعىتتالعان ازاماتتىق باستامالاردى قولداۋ ورتالىعى قۇرىلدى جانە جۇمىس ىستەيدى. بۇگىندە ورتالىق مىناداي قىزمەتتەر كورسەتەدى:

- ۇەۇ قاجەتتىلىكتەرىن انىقتاۋ جانە ولارعا سايكەس وقىتۋ;
- نۇر-سۇلتاندا ۇكىمەتتىك ەمەس ۇيىمداردىڭ قىزمەتىن ۇيلەستىرۋگە باعىتتالعان ءىس-شارالاردى ۇيىمداستىرۋ جانە وتكىزۋ;
- زاڭتانۋ، قارجى، جوبالاۋ ماسەلەلەرى بويىنشا كونسۋلتاتسيالار وتكىزۋ;
- اقپاراتتىق-ساراپتامالىق قىزمەتتەر (ماتەريالدارمەن، ادىستەمەلىك قۇرالدارمەن، زاڭناما سالاسىنداعى جاڭالىقتارمەن، وزگەرىستەرمەن قامتاماسىز ەتۋ);
- مەملەكەتتىك الەۋمەتتىك تاپسىرىس اياسىندا جوبالاردى، حالىقارالىق ۇيىمداردىڭ فيليالدارى مەن وكىلدىكتەرىنىڭ قىزمەتىن مونيتورينگىلەۋ جانە باعالاۋ;
- وقىتۋ ءىس-شارالارىن وتكىزۋ;
- ترەنينگتەر، سەمينارلار، دوڭگەلەك ۇستەلدەر ءۇشىن ورىندار ۇسىنۋ.

ازاماتتىق باستامالاردى قولداۋ ورتالىعىنىڭ قىزمەتى تۋرالى تولىعىراق اقپاراتتى سايتتان الۋعا بولادى: https://civilcenterelorda.kz/cci/index.php.

سوڭعى جاڭالىقتار

ۇقساس جاڭالىقتار