ونەر • 13 مامىر، 2021

بالۋان شولاقتىڭ دومبىراسى

9 رەت كورسەتىلدى

حالقىمىز «بالۋان شولاق» دەپ ەركەلەتكەن نۇر­­ماعان­بەت اتامىز داڭقى جەر جارعان الىپ كۇش يەسى نەمە­سە ات قۇلا­عىندا وي­ناعان شا­باندوز عا­نا ەمەس، دوم­بىرا شەر­تىپ، ءان سالعان، ناعىز «سەگىز قىرلى، ءبىر سىرلى» بول­عانى ءمالىم.

جاسىنان ارقانىڭ كەربەز دالاسىن اۋەزدى انگە بولەگەن ءبىرجان سال، اقان سەرىنى ۇستاز تۇتقان ول سولاردىڭ ءىزىن جالعاپ، ءوزى دە ءسوزى مەن سازى ۇيلەسكەن اندەر شىعاردى. بالۋان شولاقتىڭ بۇگىنگە جەتكەن «اششىلى-ايىرىق»، «بالۋان شولاق»، «جەلدىرمە»، «دىكىلدەك»، «كوكشەتاۋ»، «قوسالقا»، «قوس بارا­بان»، «قوس پەرنە»، «قۇلان كىسىنەس»، «كەنجە قوڭىر» سەكىلدى ءبىر­تالاي ءانى بار. ونىڭ حالىق اراسىنا كەڭىنەن تاراعان ءانى – «عاليا». بۇل تۋىندى − ءمولدىر ما­حاببات پەن نازىك سەزىمدى تەربەتكەن سىرشىل دۇنيە.

بەلگىلى ونەر زەرتتەۋشىسى الەك­­ساندر زاتاەۆيچ ەل اراسىنان بالۋان شولاقتىڭ بىرنەشە ءانىن جازىپ الىپ، ونى «قازاق حالقىنىڭ 1000 ءانى» جانە «قا­زاقتىڭ 500 ءانى مەن كۇيى» جيناق­تارىنا ەنگىزگەن.

وسىدان ەكى جىل بۇرىن الىپ اتامىزدىڭ دۇنيەدەن وزعانىنا ءبىر عاسىر تولۋىنا بايلانىستى بالۋاننىڭ نەمەرەسى شايدوللا شولاقوۆ اعامىزبەن سۇحباتتاسقان ەدىك. سوندا ول كىسى اڭگىمە اراسىندا اتاسىنىڭ دومبىراسى تۋرالى ايتىپ قالدى.

– بۇل دومبىرانى اتامنىڭ ءوزى جاساعان. مەن وعان ءشۇباسىز سەنەمىن. ويتكەنى ونىڭ اكەسى باي­مىرزا بابامىز تەمىردەن ءتۇيىن تۇيگەن شەبەر ادام بولعان. اعاش­تان ءتۇرلى بۇيىم جاساپ، ءۇي دە سالعان. اتام جاسىنان اكەسىنىڭ قاسىندا ءجۇرىپ، شەبەرلىكپەن اينالىسقان. ول جايىندا اكەم قۇدايبەرگەن ايتىپ وتىراتىن. قازىر اتام ۇستاعان دومبىرا مەنىڭ شاڭىراعىمدا تۇر. ونى اتام مەن اكەمنىڭ كوزى رەتىندە كيە تۇتىپ، ساقتاپ وتىرمىن، − دەپ ەدى سوندا بالۋاننىڭ نەمەرەسى.

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار