راسىمىنەن كەيىن ورىن العان ەكىجاقتى كەزدەسۋدىڭ بارىسىندا وتاندىق ديپلومات ەۋروكوميسسيا باسشىسىنا پرەزيدەنتى قاسىم-جومارت توقاەۆتىڭ سالەمدەمەسى مەن ىزگى تىلەكتەرىن جەتكىزدى. تاراپتار كەڭەيتىلگەن ارىپتەستىك پەن ىنتىماقتاستىق تۋرالى كەلىسىم اياسىندا قازاقستان مەن ەۋرووداق اراسىنداعى ىنتىماقتاستىقتىڭ بىرقاتار ماسەلەلەرىن تالقىلادى. اتاپ ايتقاندا, جوعارى دەڭگەيدەگى ساياسي ديالوگ, ساۋدا-ەكونوميكالىق جانە ينۆەستيتسيالىق ىنتىماقتاستىق, جاسىل ەكونوميكا جانە قورشاعان ورتانى قورعاۋ, سونداي-اق COVID-19 پاندەمياسىنىڭ سالدارىمەن كۇرەس ماسەلەلەرى قوزعالدى.
م. بايمۇحان ۋ. فون دەر ليايەندى قازاقستان ۇكىمەتىنىڭ كوروناۆيرۋسپەن كۇرەس جونىندەگى شارالارى, اتاپ ايتقاندا حالىقتى ۆاكتسيناتسيالاۋ بارىسى جانە قازاقستاندىق عالىمدار جاساعان «QazVac» ۆاكتسيناسى تۋرالى حاباردار ەتتى. سونداي-اق, ەلشى ەۋروپالىق دارىلىك زاتتار اگەنتتىگىمەن ىنتىماقتاستىق ورناتىلىپ جاتقانىن اتاپ ءوتتى. ەۋروكوميسسيا پرەزيدەنتى بۇل جاڭالىقتى ۇلكەن قاناعاتتانۋشىلىقپەن قابىلدادى.
