قوعام • 12 مامىر، 2021

الماتىدا جەر سىلكىنىسىن حابارلايتىن جۇيە ورناتىلادى

252 رەت كورسەتىلدى

مەگاپوليس بيلىگى جويقىن جەر سىلكىنىسى تۋرالى حالىقتى الدىن-الا ەسكەرتۋ جانە ءبىلىم بەرۋ مەن دەنساۋلىق ساقتاۋ نىساندارىن نىعايتۋ شارالارى تۋرالى ايتتى، دەپ حابارلايدى Egemen.kz.

الماتى جەر سىلكىنىسى، سەل، كوشكىن، قار كوشكىنى، سۋ باسۋ، ءورت سياقتى تەحنوگەندىك جانە تابيعي سيپاتتاعى توتەنشە جاعدايلارعا بەيىم ايماق. جەكە قۇرامنىڭ 1،5 مىڭنان استام ادامى، 270 تەحنيكا بىرلىگى تج-دىڭ زارداپتارىن جويۋعا ۇنەمى دايىن. قالانىڭ قۇتقارۋشىلارى جىلىنا ورتا ەسەپپەن 3 مىڭنان استام جەرلەرگە بارادى.

2000-2021 جىلدار ارالىعىندا 202 ءبىلىم بەرۋ وبەكتىلەرىنە، ونىڭ ىشىندە 145 مەكتەپكە، 51 بالاباقشاعا، 6 مەكتەپ-ينتەرناتقا كۇردەلى جوندەۋ جۇرگىزىلدى جانە ولار سەيسميكالىق كۇشەيتىلدى. 2021 جىلى 8 مەكتەپتى، 6 بالاباقشانى، 1 كوللەدجدى، 3 دەنساۋلىق ساقتاۋ نىسانىن، 2 ازاماتتىق قورعانىس نىسانىن سەيسميكالىق كۇشەيتۋ جوسپارلانۋدا.

تج كەزىندە حالىقتى وقىتۋ جانە قاۋىپسىز ءتارتىپ مادەنيەتىن، وزدەرىن دۇرىس ۇستاۋ داعدىلارىن قالىپتاستىرۋ ماقساتىندا ەلىمىزدە بالاماسى جوق يننوۆاتسيالىق جوبا بولىپ تابىلاتىن سيمۋلياتسيالى وقۋ- ادىستەمەلىك ورتالىق سالىنۋدا.

سەيسمولوگيا ينستيتۋتى 2018 جىلدان بەرى «قازاقستاننىڭ وڭتۇستىك-شىعىسىنداعى سەيسميكالىق قاۋىپتى ايماقتاردى كەشەندى زەرتتەۋ جانە كۇشتى جەر سىلكىنىسى تۋرالى الدىن-الا ەسكەرتۋ جۇيەسىنىڭ نەگىزدەرىن جاساۋ» باعدارلاماسى بويىنشا جۇمىس جۇرگىزۋدە.

وسى باعدارلامانى ىسكە اسىرۋ اياسىندا ينستيتۋت جاپوندىق شەشىم بازاسىندا تەستىلەۋ رەجيمىندە ەرتە حاباردار ەتۋ جۇيەسىنىڭ 9 سەيسميكالىق ستانتسياسىن ورناتتى. 2023 جىلعا دەيىن سەيسميكالىق داتچيكتەرمەن، اۆتونومدى قۋات كوزدەرىمەن جابدىقتالعان تاعى 28 ستانتسيا ورناتۋ، سونداي اق سەيسمولوگيا ينستيتۋتى مەن تجد-دە ديسپەتچەرلىك پۋنكتتەر اشۋ جوسپارلانۋدا.

جۇيە اۆتوماتتى رەجيمدە جويقىن سەيسميكالىق تولقىننىڭ قالاعا جاقىنداعانى تۋرالى سيگنال بەرەدى جانە تۇرعىندارعا ەرتە ەسكەرتۋ جاسالادى،ونىڭ ىشىندە Darmen ءموبيلدى قوسىمشاسىنىڭ كومەگى ارقىلى. جەر سىلكىنىسى تۋرالى سيگنال 40 سەكۋندقا دەيىنگى ارالىقتا تۇسەدى.

سوڭعى جاڭالىقتار

«بارىسقا» جاڭا قاقپاشى كەلدى

حوككەي • بۇگىن، 09:18

COVID-19: بوساڭسۋعا بولمايدى

الەم • بۇگىن، 08:51

ۇقساس جاڭالىقتار