قوعام • 12 مامىر، 2021

باس ءمۇفتي قازاقستاندىقتاردى ورازا ايتپەن قۇتتىقتادى

37 رەت كورسەتىلدى

قازاقستان مۇسىلماندارى دىني باسقارماسىنىڭ توراعاسى، باس ءمۇفتي ناۋرىزباي قاجى تاعان ۇلى قازاقستاندىقتاردى ورازا ايتپەن قۇتتىقتادى، دەپ حابارلايدى Egemen.kz.

«سىزدەردى ءيسى مۇسىلمان بالاسىنىڭ ۇلىق مەرەكەسى – ورازا ايتپەن شىن جۇرەكتەن قۇتتىقتايمىن! ايت قابىل بولسىن!

وتباسىڭىزعا باقىت پەن بەرەكە، دەنىڭىزگە ساۋلىق، جۇمىسىڭىزعا تابىس تىلەيمىن.

ورازا ايت – جۇرەككە قۋانىش پەن مەيىرىم سىيلايتىن، ادامزات بالاسىن ىزگىلىككە، دوستىق پەن باۋىرلاستىققا، قاناعات پەن قايىرىمدىلىققا ۇندەيتىن مەيرام.

ايت ءسوزى – مەرەكەلەۋ، حال سۇراسۋ، ءبىر-ءبىرىن قۋانتۋ، قۋانىشقا توپتالۋ، قارىمتا دەگەن ۇعىمدى بىلدىرەدى. ورازا ايت – قاسيەتتى رامازان ايىنىڭ اياقتالعانىن بىلدىرەتىن مەرەكە.

جەر بەتىندەگى كۇللى مۇسىلمان ۇمبەتى ايت كۇندەرى حال سۇراسىپ، ءبىر-ءبىرىن قۇتتىقتاپ، مارە-سارە كۇي كەشەدى. سونىمەن قاتار، كومەككە مۇقتاج جاندارعا جاردەمدەسىپ، ولاردى دا قۋانىشقا بولەيدى.

اللا تاعالا: «...ولار مەن ءۇشiن ورازا ۇستادى، مەنiڭ پارمەنiممەن اۋىز اشتى، ەندi قۋانىشقا كەنەلسiن...» دەيدى.  جاراتۋشى يەمىز ءسىز بەن ءبىزدىڭ قۋانىشتى كۇندەرىمىزدى ەسەلەي ءتۇسسىن دەپ تىلەيمىن.

ورازا ايت – وتباسىلىق مەرەكە. ايت كۇندەرى اتا-انامىزدى، ۇل-قىزدارىمىزدى، اعا-باۋىرلارىمىزدى قۋانىشقا كەنەلتىپ، قاراۋسىز قالعان قارتتارعا، جەتىمدەر مەن مۇگەدەك جاندارعا كومەكتەسۋدىڭ ساۋابى مول.

قازاقستان مۇسىلماندارى ءدىني باسقارماسى قاسيەتتى رامازان ايىندا ەلىمىز بويىنشا اۋىزاشار قوراپتارىن تاراتىپ، قايىرىمدىلىق جوبالاردى جۇزەگە اسىردى. ساۋاپتار ەسەلەنىپ جازىلاتىن بەرەكەلى ايدا يگى ىسكە اتسالىسقان ەرىكتىلەرگە، دەمەۋشى ازاماتتار مەن جومارت جاندارعا رياسىز نيەتپەن ايرىقشا العىسىمدى بىلدىرەمىن.

ەلىمىزدەگى پاندەميالىق جاعدايدى ەسكەرىپ، ءدىني باسقارمانىڭ ءپاتۋاسى مەن مەشىت تارتىبىنە باعىنىپ، قۇلشىلىعىن ۇيدە ورىنداپ، ورازاسىن وقشاۋ تۇردە ۇستاعان جاماعاتقا دا اللا رازى بولسىن ايتامىن!

 

قۇرمەتتى جاماعات!

اللا تاعالا وتىز كۇن بويى ۇستاعان ورازامىزدى، جاساعان دۇعامىزدى، جاردەمگە مۇقتاج جاندارعا ۇلەستىرگەن ساداقامىزدى قابىل ەتكەي!

ءار وتباسىنا اماندىق، جاقسىلىق تىلەيمىن. ورازادان ورازاعا دەيىن امان-ەسەن جەتە بەرەيىك! جەر بەتىنەن جۇقپالى دەرت جويىلىپ، مەرەكەلى، بەرەكەلى ساتتەردە جۇزدەسۋدى جازعاي! ەلىمىز امان، جۇرتىمىز تىنىش بولعاي!»، دەلىنگەن قۇتتىقتاۋدا.

سوڭعى جاڭالىقتار

دوللار قىمباتتاي باستادى

قارجى • بۇگىن، 11:47

كونە ءداۋىر كورىنىستەرى

ونەر • بۇگىن، 09:03

استانا كۇنىنە ارنالادى

تەاتر • بۇگىن، 09:02

جوسپارلانعان جوبا جەتەرلىك

ايماقتار • بۇگىن، 09:00

ايالى الاقانداعى «ءومىر اعاشى»

ايماقتار • بۇگىن، 08:58

«جاسىلدان» «سارىعا» ءوتتى

ايماقتار • بۇگىن، 08:56

«ءۇندى» شتامى ۇرەيلى

كوروناۆيرۋس • بۇگىن، 08:55

Ashyq ىندەتتى اۋىزدىقتاي ما؟

مەديتسينا • بۇگىن، 08:53

ءبىرجان سال ەلىندەگى بەرەكە

ايماقتار • بۇگىن، 08:50

اكە كورگەن...

پىكىر • بۇگىن، 08:44

كۇرمەۋى قيىن ماسەلە – كۇرە جولدا

ايماقتار • بۇگىن، 08:43

تاۋەلسىزدىك جانە رۋحانيات

تاۋەلسىزدىكتىڭ 30 جىلدىعى • بۇگىن، 08:37

جاستار كەڭەسىنىڭ وتىرىسى ءوتتى

ساياسات • بۇگىن، 08:35

ەكونوميكادا وڭ سەرپىن بار

ساياسات • بۇگىن، 08:32

التىن وڭدەيتىن الىپ كەشەن

ەكونوميكا • بۇگىن، 08:30

جىلقى ەتى تۇسىڭە كىرەدى...

ەكونوميكا • بۇگىن، 08:27

ادامزات تراگەدياسى

تانىم • بۇگىن، 08:23

مەيىرىم شۋاعى

قوعام • بۇگىن، 08:15

اۋىلدا بالا كوپ، ۇيىرمە از

قازاقستان • بۇگىن، 07:59

ۇقساس جاڭالىقتار