بقو پوليتسيا دەپارتامەنتىنىڭ رەسمي وكىلى بولاتبەك بەلگىبەكوۆ ءمالىم ەتكەندەي, وقيعا 11 مامىر كۇنى ساعات 12.00 شاماسىندا بولعان. «شكودا وكتاۆيا» اۆتوكولىگىنىڭ 40 جاستاعى جۇرگىزۋشىسى يساتاي-ماحامبەت كوشەسى بويىندا حالىققا قىزمەت كورسەتۋ ورتالىعى ماڭىندا جول قاۋىپسىزدىگىن قامتاماسىز ەتپەي, رەتتەلمەيتىن جاياۋ جۇرگىنشى وتكەلىنەن ءوتىپ بارا جاتقان 1976 جىلعى ايەلدى قاعىپ كەتكەن.
جول اپاتى سالدارىنان ايەل اۋرۋحاناعا جەتكىزىلدى. اۆتوكولىك ارنايى تۇراققا قويىلدى. وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى ناقتىلاعانىنداي, جەدەل جاردەم ساعات 12.09-دا شاقىرىلىپ, بريگادا 5 مينۋتتان كەيىن جەتكەن.
الدىن الا مالىمەتكە قاراعاندا, ايەل اشىق باس-مي جاراقاتىن العان. وكشەسى, وڭ جاق جىلىنشىگى سىنعان. زارداپ شەگۋشى وبلىستىق كوپبەيىندى اۋرۋحاناعا جاتقىزىلدى.
