قازاقستان • 12 مامىر، 2021

ەكپەدەن كەيىن قايتىس بولعان دارىگەرگە قاتىستى مينيسترلىك تۇسىنىكتەمە بەردى

309 رەت كورسەتىلدى

دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق باقىلاۋ كوميتەتى كوروناۆيرۋسقا قارسى ۆاكتسينا سالدىرعان سوڭ ەكىنشى كۇنى قايتىس بولعان الماتىلىق مەدقىزمەتكەردىڭ ولىمىنە قاتىستى ءمان-جايدى ءتۇسىندىردى، دەپ حابارلايدى Egemen.kz.

الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى قوعامدىق دەنساۋلىق باسقارماسىمەن بىرلەسىپ ەپيدەميولوگيالىق تەرگەۋ جۇرگىزدى.

«تەرگەۋ بارىسىندا پاتسيەنت رەسەيدە ازىرلەنگەن جانە قاراعاندىدا وندىرىلگەن «سپۋتنيك V» ۆاكتسيناسىنىڭ ءبىرىنشى كومپونەنتىن سالدىرعانى انىقتالدى. ايەلدە جۇرەك-قانتامىر جۇيەسىنىڭ سوزىلمالى اۋرۋى بولعان، ول تىركەلگەن جەرى بويىنشا ديسپانسەرلىك ەسەپتە تۇرعان»، دەپ حابارلادى كوميتەت وكىلدەرى. 

ءولىم سەبەبىن انىقتاۋ ءۇشىن الماتى جانە الماتى وبلىسى بويىنشا مەديتسينالىق جانە فارماتسەۆتيكالىق باقىلاۋ دەپارتامەنتتەرى پاتسيەنت جۇگىنگەن مەديتسينالىق ۇيىمداردى جوسپاردان تىس تەكسەرىپ شىقتى. ۆاكتسينانىڭ وسى پارتياسىن سالدىرعان باسقا پاتسيەنتتەردىڭ جاعدايى ناشارلاماعانى بەلگىلى بولدى. 

ايتا كەتەيىك، الماتىدا دارىگەر ۆاكتسيناتسيادان ەكى كۇن وتكەن سوڭ ۇيىندە قۇلاپ، قايتىس بولعان ەدى.

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 12:15

الماتىدا كىتاپ جارمەڭكەسى وتەدى

ايماقتار • بۇگىن، 09:40

ۇقساس جاڭالىقتار