«تسيفرلىق ۆاليۋتانى ەنگىزۋدىڭ ىقتيمال اسەرلەرىن زەرتتەۋ ناتيجەلەرى, پيلوتتىق جوبانىڭ قورىتىندىسى جانە مۇددەلى تاراپتارمەن تالقىلاۋ وتكەننەن كەيىن تسيفرلىق تەڭگەنى ەنگىزۋ قاجەتتىلىگى تۋرالى شەشىم قابىلدانادى جانە جول كارتاسى ازىرلەنەدى», دەدى دوساەۆ ۇكىمەت وتىرىسىندا.
پيلوتتىق جوبا 2021 جىلدىڭ ەكىنشى جارتىسىندا ىسكە اساتىنىن اتاپ ءوتتى.
5 مامىردا ۇلتتىق بانك تسيفرلىق ۆاليۋتا شەشەتىن مىندەتتەردى, ولاردى شىعارۋ جانە تاراتۋ ءادىسىن, قولدانىلاتىن تەحنولوگيانى, اقشا-كرەديت ساياساتىنا, قارجىلىق تۇراقتىلىققا جانە تولەم قىزمەتتەرى نارىعىنا اسەرىن انىقتاي وتىرىپ, ارتىقشىلىقتار مەن تاۋەكەلدەردى جان-جاقتى زەرتتەۋ ءۇشىن «تسيفرلىق تەڭگە» بايانداماسىن جاريالادى.
باياندامادا تسيفرلىق ۆاليۋتانىڭ تەحنولوگيالىق جانە ەكونوميكالىق سيپاتى, ۇلتتىق بانكتىڭ تسيفرلىق تەڭگەنى زەرتتەۋ جانە ەنگىزۋ تاسىلدەرى, ىقتيمال اسەرلەرىن الدىن الا باعالاۋ جانە پيلوتتىق جوبانىڭ سيپاتتاماسى قامتىلعان. تسيفرلىق تەڭگە قولما-قول اقشانى ايىرباستاۋعا ارنالماعان. ەگەر ەنگىزىلسە, زاڭدى تولەم قۇرالىنا اينالادى.
