قازاقستان • 12 مامىر، 2021

جاڭا كاسىپتەر اتلاسى مەملەكەتتىك ورگاندارعا تانىستىرىلدى

2 رەت كورسەتىلدى

قر ەڭبەك جانە حالىقتى الەۋمەتتىك قورعاۋ مينيسترلىگى ونلاين-كونفەرەنتسيا بارىسىندا ورتالىق مەملەكەتتىك ورگاندار وكىلدەرىنە ەلىمىزدەگى جاڭا كاسىپتەر مەن قۇزىرەتتەردىڭ اتلاسىن تانىستىردى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

بايانداماشى رەتىندە ساياسات نۇربەك ءسوز سويلەدى، ول سەرىكتەس رەتىندە اتلاستى ازىرلەۋ جانە ەنگىزۋ بويىنشا جوبانى ىسكە اسىرۋدىڭ بارلىق كەزەڭدەرىندە ادىسنامالىق، اكىمشىلىك جانە ۇيىمداستىرۋشىلىق قولداۋ كورسەتەدى.

ءوز سوزىندە ول مەملەكەت تاراپىنان ستەيكحولدەرلەر ازىرلەگەن اتلاستى قولدانۋ پەرسپەكتيۆالارى تۋرالى اڭگىمەلەدى، سونداي-اق ونى ەڭبەك نارىعىن بولجاۋدى جاقسارتۋ، جوعارى جانە تجكب باعدارلامالارىن جاڭارتۋ جانە كاسىپتىك ستاندارتتاردى جاڭارتۋ قۇرالى رەتىندە پايدالانۋ ءۇشىن نەگىزگى باعىتتار بويىنشا ۇسىنىمدار بەردى.

«جاڭا كاسىپتەر اتلاسىنىڭ كومەگىمەن ەكونوميكانىڭ قارالىپ وتىرعان ءاربىر سالاسى بويىنشا ءتۇرلى قۇزىرەتتىلىكتەرگە قاجەتتىلىكتى بولجاۋعا بولادى، بۇل بولاشاق ستراتەگيالىق دامۋ باعدارلامالارىنىڭ دالدىگىنە وڭ اسەر ەتەدى. بۇدان باسقا، بۇل حالىقتىڭ بىلىكتىلىگىن ارتتىرۋعا دەگەن تۇسىنىگى مەن قىزىعۋشىلىعىنا، وزەكتى داعدىلارعا نەمەسە سۇرانىسقا يە ماماندىقتارعا وقىتۋعا تارتىلۋىنا اسەر ەتەدى»، دەپ حابارلادى ساياسات نۇربەك.

بۇگىنگى تاڭدا اتلاس نەگىزىندە ءبىلىم بەرۋ ستاندارتتارىنا بىرقاتار جاڭالىقتار ەنگىزىلۋدە. مىسالى، حرومتاۋ تاۋ-كەن تەحنيكالىق جوعارى كوللەدجىنىڭ بازاسىندا «تاۋ-كەن ءوندىرۋ ونەركاسىبى مەن پايدالى قازبالاردى وندىرۋگە ارنالعان پيلوتسىز ۇشۋ اپپاراتتارىنىڭ وپەراتورى» جاڭا ماماندىعى بويىنشا وقىتۋ باستالدى. وسى باعىتتاعى مامانداردى دايارلاۋدىڭ وزەكتىلىگىن دون تاۋ-كەن بايىتۋ كومبيناتىنىڭ قىزمەتكەرلەرى راستايدى.

بۇدان باسقا، قر ءبىلىم جانە عىلىم مينيسترلىگىنىڭ تجكب سىنىپتاۋىشىنا مىناداي ماماندىقتار مەن بىلىكتىلىكتەر قوسىلدى:

– «روبوتوتەحنيكا جانە ەندىرىلەتىن جۇيەلەر (سالالار بويىنشا)» ماماندىعى جانە «روبوتوتەحنيكالىق جۇيەلەر مەن كەشەندەردى مونتاجداۋشى-رەتتەۋشى»، ء«موبيلدى روبوتوتەحنيكا تەحنيگى»، «ونەركاسىپتىك روبوتوتەحنيكا تەحنيگى» بىلىكتىلىگى;

– «نانوماتەريالدار نەگىزىندەگى بۇيىمدار تەحنولوگياسى» ماماندىعى جانە «نانوماتەريالدار نەگىزىندەگى بۇيىمدار ءوندىرىسىنىڭ وپەراتورى» بىلىكتىلىگى;

– ء«وندىرىستىڭ ءادديتيۆتى تەحنولوگيالارى» ماماندىعى جانە ء«ادديتيۆتى قوندىرعىلاردىڭ وپەراتورى» بىلىكتىلىگى;

– «قاشىقتىقتان باسقارىلاتىن اۆياتسيالىق جۇيە» ماماندىعى جانە «سىرتقى ۇشقىش»، «پيلوتسىز اۆياتسيالىق جۇيەلەردى تەحنيكالىق پايدالانۋ جونىندەگى تەحنيك-مەحانيك» بىلىكتىلىگى;

– «عيماراتتاردى جوبالاۋ مەن پايدالانۋدىڭ اۆتوماتتاندىرىلعان جۇيەلەرى» ماماندىعى جانە «BIM-پايدالانۋشى»، «BIM-تەحنيك»، «عيماراتتى باسقارۋدىڭ زياتكەرلىك جۇيەلەرىنە قىزمەت كورسەتۋ تەحنيگى» بىلىكتىلىگى;

– «جىلجىمايتىن م ۇلىكتى باسقارۋ» ماماندىعى جانە «كوپ پاتەرلى تۇرعىن ءۇيدى باسقارۋشى» بىلىكتىلىگى;

– «دەستيناتسيانى باسقارۋ» ماماندىعى جانە «ەكولوگيالىق تۋريزم مەنەدجەرى»، «تۋريستىك قىزمەتتەردى جىلجىتۋ جونىندەگى مەنەدجەر»، «تۋريستىك اقپاراتتىق ورتالىقتىڭ مەنەدجەرى» بىلىكتىلىكتەرى.

ەستەرىڭىزگە سالا كەتەيىك، اتلاستى ازىرلەۋ قر پرەزيدەنتىنىڭ «يگىلىك بارشاعا! ساباقتاستىق. ادىلدىك. ورلەۋ» سايلاۋالدى باعدارلاماسىن ىسكە اسىرۋ جونىندەگى ءىس-قيمىل جوسپارىنىڭ 39-تارماعىن ورىنداۋ ءۇشىن جانە قر پرەزيدەنتىنىڭ 2019 جىلعى 19 ماۋسىمداعى جارلىعىمەن بەكىتىلگەن «بىرگە» جالپىۇلتتىق اكتسياسى بارىسىندا الىنعان ۇسىنىستار نەگىزىندە جۇزەگە اسىرىلدى.

اتلاستى ازىرلەۋ ادىستەمەسى حالىقارالىق تاجىريبەگە جانە ەكونوميكا سالالارىن دامىتۋدىڭ الەمدىك ترەندتەرىن ەسكەرۋگە نەگىزدەلگەن. ول راپيد فورسايتى (rapid foresight) تەحنولوگياسى بويىنشا سالالىق ساراپشىلاردىڭ قاتىسۋىمەن ءوندىرىس، مەملەكەتتىك ورگاندار، سالالىق قاۋىمداستىقتار جانە ت. ب. وكىلدەرىنىڭ قاتىسۋىمەن بولجامدى سەسسيالار وتكىزۋدى قامتىدى.

اتلاستا ەكونوميكانىڭ باسىم 9 سالاسى: تاۋ-كەن مەتاللۋرگيا كەشەنى، مۇناي-گاز سالاسى، اۋىل شارۋاشىلىعى، كولىك جانە لوگيستيكا، ماشينا جاساۋ، اكت، ەنەرگەتيكا، تۋريزم جانە قۇرىلىس بويىنشا ەڭبەك نارىعىن سىني تۇردە وزگەرتەتىن نەگىزگى تەحنولوگيالىق ترەندتەرگە تالداۋ جاسالعان. قۇجاتتا كاسىپتەردەگى تاياۋداعى 5-10 جىلعا ارنالعان وزگەرىستەر بولجانىپ، سونداي-اق 239 جاڭا، 95 ترانسفورماتسيالاناتىن جانە 129 جويىلىپ بارا جاتقان كاسىپ ايقىندالدى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار