«ەلىمىزدىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى تۇراقسىز اۋا رايى ساقتالادى, نايزاعاي ويناپ, جاڭبىر جاۋادى. رەسپۋبليكا بويىنشا تۇمان ءتۇسىپ, نايزاعاي وينايدى, جەلدىڭ كۇشەيىپ, داۋىل سوعادى, سونداي-اق بۇرشاق جاۋى ىقتيمال», دەلىنگەن حابارلامادا.
اقمولا, قوستاناي وبلىستارىنىڭ كەي جەرلەرىندە تۇمان تۇسەدى, جەل 15-20 م/س كۇشەيەدى.
جامبىل, قاراعاندى وبلىستارىنىڭ كەي جەرلەرىندە نايزاعاي, تۇمان بولىپ, كۇندىز جەل 15-20 م/س كۇشەيەدى, جامبىل وبلىسىندا بۇرشاق جاۋى ىقتيمال.
شىعىس قازاقستان, پاۆلودار, قىزىلوردا وبلىستارىندا جەل 15-20 م/س كۇشەيەدى, كۇندىز شىعىس قازاقستان وبلىسىنىڭ كەي جەرلەرىندە نايزاعاي وينايدى.
اتىراۋ, ماڭعىستاۋ وبلىستارىندا نايزاعاي بولىپ, تۇندە ماڭعىستاۋ وبلىسىندا جەل 15- 20 م/س دەيىن كۇشەيەدى.
الماتى, باتىس قازاقستان وبلىستارىندا نايزاعاي ويناپ, جەل 15-20 م/س كۇشەيەدى, بۇرشاق جاۋى ىقتيمال. باتىس قازاقستان وبلىسىنىڭ كەي جەرلەرىندە داۋىل سوعادى.
تۇركىستان وبلىسىندا جەل 15-20 م/س كۇشەيەدى, تاۋدا نايزاعاي وينايدى.
سولتۇستىك قازاقستان وبلىسىندا اۋا تەمپەراتۋراسى تومەندەپ, ۇسىك جۇرەدى.
