قوعام • 12 مامىر، 2021

شىمكەنت-ىستامبۇل باعىتىنداعى تىكەلەي رەيستەر قايتا اشىلادى

17 رەت كورسەتىلدى

تۇركيالىق Pegasus Airlines اۋەكومپانياسى 23 مامىردان باستاپ ىستامبۇلدان شىمكەنتكە تىكەلەي رەيستى جاڭارتادى، دەپ حابارلايدى Egemen.kz.

Pegasus Airlines مالىمەتىنشە، 23 مامىردان باستاپ اپتا سايىن جەكسەنبىدە ۇشاق ىستامبۇلدان شىمكەنتكە ۇشادى، كەرى باعىتقا رەيس دۇيسەنبى شىعادى.

شىمكەنت-ىستامبۇل رەيسىنىڭ باعاسى 169 دوللاردان (شامامەن 72 313 تەڭگە)، ال ىستامبۇل-شىمكەنت رەيسى 171 دوللاردان (شامامەن 73 169 تەڭگە) باستالادى. ەڭ ارزان تاريفكە سالماعى بەس كيلوگرامعا دەيىن جانە ولشەمى 50×40×20 سانتيمەتر بولاتىن قول جۇگىن تاسىمالداۋ كىرەدى.

كومپانيانىڭ قازاقستاندىق وكىلدەرى تاسىمالداۋشىنىڭ اقپاراتىن راستادى، بىراق ۆەدومستۆوارالىق كوميسسيانىڭ جاڭا رۇقسات بەرۋ قاۋلىسى ءالى شىقپاعانىن ايتتى.

سوعان قاراماستان، قر يندۋستريا جانە ينفراقۇرىلىمدىق دامۋ مينيسترلىگىنىڭ وكىلدەرى Pegasus Airlines كومپانياسىنان ىستامبۇل-شىمكەنت رەيسى قايتا باستالادى ما دەگەن سۇراققا مۇنداي جوسپار بارىن جانە بيلەتتەر ساتىلىمعا شىققانىن ايتتى

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار